زاڭسىز بالىق اۋلاۋشىلارعا قارسى رەيد شاراسىن تابيعاتتى قورعاۋ پوليتسياسىنىڭ قىزمەتكەرلەرى جۇرگىزىپ جاتىر. ارنايى قۇرىلعان جۇمىس توپتارى بالىق ۋىلدىرىق شاشاتىن جەرلەر مەن ەرەكشە قورعاۋعا الىنعان تابيعي اۋماقتاردى ارالاپ, سۋ قويمالارى ماڭىنداعى جولدارعا شولۋ قويعان, - دەپ جازادى Egemen.kz
"بۇگىنگى تاڭدا زاڭسىز بالىق اۋلاۋدىڭ 12 فاكتىسى انىقتالىپ وتىر. ونىڭ 4-ەۋى ب. مايلين اۋدانىندا. بۇل اۋدانداعى ايەت وزەنى مەن وكتيابر اۋىلى ماڭىنداعى كولدەن زاڭسىز قۇرىعان اۋ تابىلدى. يەلەرىن انىقتادىق. ولار رۋدنىي قالاسى مەن ب. مايلين اۋدانىنىڭ تۇرعىندارى بولىپ شىقتى. قۇقىق بۇزۋشىلارعا قاتىستى قر اقبتك 383-بابى بويىنشا اكىمشىلىك حاتتاما تولتىرىلدى", - دەيدى وبلىستىق پد تابيعاتتى قورعاۋ پوليتسياسى ءبولىمىنىڭ باستىعى تالعات احمەتوۆ.
پوليتسيانىڭ ءباسپاسوز قىزمەتى رەيد ءىس-شارالارىنىڭ وبلىستىڭ بارلىق اۋداندارىندا جالعاساتىنىن ايتادى.
قوستاناي وبلىسى