ەكۆادور مەملەكەتىندە ەسىرتكى ساۋداسىنا قارسى جۇرگىزىلگەن ارنايى ءىس-شارا بارىسىندا 3 توننا كوكاين تاركىلەندى. بۇل تۋرالى يتار-تاسس حابارلادى.
جەرگىلىكتى ىشكى ىستەر ءمينيسترى حوسە سەررانونىڭ مالىمدەۋى بويىنشا, بۇل ەسىرتكى كولۋمبيانىڭ «لوس-ۋرابەنوس» قىلمىستىق توبىمەن تىعىز بايلانىستا بولعان ادامداردان تاركىلەنگەن.
«ءبىز ەندى قىلمىستىق توپتاردىڭ مۇنداي ارەكەتكە بارۋىنا جول بەرمەيمىز», – دەپ جازدى حوسە سەررانو ءوزىنىڭ تۆيتتەردەگى بلوگىنا.
جالپى, جىل باسىنان بەرى ەكۆادوردا شامامەن 40 توننا ەسىرتكى تاركىلەنگەن.
ايدار ورىسباەۆ.