مۇنىڭ الدىنداعى جىلداردا اقتوبە قالاسىندا جەرگىلىكتى اتقارۋشى بيلىك وكىلدەرى تاراپىنان: بيىلعى كوكتەمدە پالەنباي مىڭ ءتۇپ تال ەگىلدى دەگەن سىڭايداعى باياعى كەڭەستىك كەزەڭدەگى سەكىلدى لەپىرمە سوزدەر مەن ۇراندار ءجيى ەستىلەتىن. ايتسە دە كەيىن سول اعاشتاردىڭ ءجاي-كۇيى قانداي بولعاندىعى جونىندەگى اقپاراتتار مۇلدەم ايتىلمايتىن. بالاپاندى كۇزدە سانايتىنى سەكىلدى وتىرعىزىلعان كوشەتتەردىڭ سانى قۋراپ قالماي, بوي جازىپ وسكەن اعاشتاردىڭ سانىمەن ولشەنسە, الدەقايدا ادىلەتتى بولار ما ەدى؟
بۇل قورعاق سوزدەر تەك كوز الداۋ, ۋاقىتشا ۇپاي, ارزان بەدەل جيناۋ ءۇشىن عانا ايتىلاتىنى بەلگىلى بولىپ وتىر. مۇنداي تۇجىرىم جاساۋىمىزعا اقتوبە وبلىسى بويىنشا تەكسەرۋ كوميسسياسى جۇرگىزگەن اۋديتتىك تەكسەرۋلەر بارىسى باستى نەگىز قالاي الادى.
اتاپ ايتقاندا بۇل جونىندە انىقتالعان ناقتى دەرەكتەرگە سۇيەنسەك, وتكەن جىلى اقتوبە قالاسىندا وتىرعىزىلعان مىڭ كوشەتتىڭ توقسان پايىزى كوكتەي سولىپ قۋراپ قالعان ەكەن. ءوز كەزەگىندە بۇل ءىستى اتقارۋعا جەرگىلىكتى بيۋدجەتتەن 71,4 ميلليون تەڭگە بولىنگەنىن ەسكەرسەك, تابانى كۇرەكتەي وسى قوماقتى قاراجاتتىڭ باسىم بولىگى جەلگە ۇشىپ كەتتى دەۋگە ابدەن بولادى.