الماتىداعى «ايالا» قورى الماتى وبلىسى قاپشاعاي قالاسىندا ورنالاسقان «بالداۋرەن» رەسپۋبليكالىق وقۋ-ساۋىقتىرۋ ورتالىعىندا دەمالىپ جاتقان ماقتاارال اۋدانىنىڭ التى مەكتەبىنىڭ 5-9 سىنىپ وقۋشىلارىنا كيىم-كەشەك جيناقتاماسى مەن كەڭسە تاۋارلارى سالىنعان 251 ريۋكزاك تابىستادى.
تۇركىستان وبلىسىنداعى ماقتاارال اۋدانىنىڭ 6 مەكتەبىنىڭ بالالارى «ايالا» قايىرىمدىلىق قورىنىڭ پرەزيدەنتى ايدان سۇلەيمەنوۆانىڭ جالپى 15 ملن تەڭگە سوما قاراجاتىنا كيىم, اياق كيىم جانە كەڭسە تاۋارلارى سالىنعان ريۋكزاكتاردى تارتۋ رەتىندە الدى.
ء«بىز قاپشاعايعا ماقتاارال اۋدانىنان بالالاردىڭ كەلگەنى جانە ولارعا كيىم كەرەك ەكەنى تۋرالى مالىمەتتى تۇركىستان وبلىسىنىڭ اكىمدىگىنەن الدىق. بۇدان كەيىن قاپشاعاي قالاسىنداعى «بالداۋرەن» روسو باسشىلىعىنا حابارلاسىپ, ناقتى نە ساتىپ الۋ كەرەكتىگىن بىلدىك. ءسويتىپ, ءار بالانىڭ جاسىن, بويىن جانە ولشەمىن ەسكەرە وتىرىپ, 251 جيناقتاما جاسادىق. بۇعان قوسىمشا مەكتەپتە وقۋعا قاجەتتى زاتتىڭ بارلىعى سالىنعان جاقسى ريۋكزاكتار سىيلاۋعا شەشىم قابىلدادىق. ال ۇيلەرىنە قايتار الدىندا بالالاردىڭ كوڭىلىن كوتەرۋ ءۇشىن وزدەرى جاقسى بىلەتىن JOKEASSES كومانداسىنىڭ ۆاينەرلەرىن كەزدەسۋگە الىپ كەلدىك. دەمالىستىڭ وسىلاي اياقتالۋى ولارعا جاقسى كوڭىل-كۇي سىيلاپ, بۇكىل جازعا قۋات بەردى دەپ ۇمىتتەنەمىز», دەيدى «ايالا» قورىنىڭ پرەزيدەنتى ايدان سۇلەيمەنوۆا.
ماقتاارال اۋدانىنىڭ وقۋشىلارى «بالداۋرەن» وقۋ-ساۋىقتىرۋ ورتالىعىندا ەكى اپتا بولدى. ولار جايلى جابدىقتالعان بولمەلەردە تۇردى, 5 ۋاقىت تاماقپەن قامتاماسىز ەتىلدى, ساۋىقتىرۋ شارالارىن الدى, اشىق باسسەيندە شومىلىپ, شىعىرشىقتى جانە ءوزى سىرعانايتىن قۇرىلعىلارمەن سىرعاناپ سەرگىدى. سپورت سەكتسيالارىندا تەننيس, ساداقپەن اتۋ, فيتنەسپەن اينالىستى. ورتالىق قىزمەتكەرلەرى بالالار ءۇشىن قىزىقتى ۆيكتورينالار, ەستافەتالار ۇيىمداستىردى. ەڭ باستىسى, ءاربىر بالا پسيحولوگيالىق تۇرعىدان وڭالدى. ءبىلىم جانە عىلىم مينيسترلىگى بەكىتكەن ارنايى جوسپار بويىنشا بىلىكتى پەداگوگ-پسيحولوگتار ولارمەن جۇمىس ىستەدى. سونىمەن قاتار «بالداۋرەن» ورتالىعىندا ولار تجب قاشىقتان تاپسىرىپ, وقۋ جىلىن ءساتتى اياقتادى.
«2020 جىلعى 18 مامىردان بەرى بىزدە تۇركىستان وبلىسى ماقتاارال اۋدانىنىڭ بالالارى دەمالدى. بۇل شىعارماشىلىق باعىتتاعى اۋىسىم, سوندىقتان بالالاردىڭ شىعارماشىلىق الەۋەتىن دامىتۋعا ۇلكەن كوڭىل ءبولىندى, ولار ساحنا ونەرىن ۇيرەندى, كونكۋرستار مەن فلەشموبتار وتكىزەدى. قاشان دا الەمدى جاقسىلىق جانە ىزگى ىستەر بيلەيدى. بالالاردى كيىممەن جانە مەكتەپكە كەرەك-جاراقتارمەن قامتاماسىز ەتۋ ءۇشىن قاراجات بولگەن «ايالا» قايىرىمدىلىق قورى سەكىلدى قامقور ادامداردىڭ بار ەكەنى قۋانتادى», دەيدى قاپشاعاي قالاسىنداعى «بالداۋرەن» رەسپۋبليكالىق وقۋ-ساۋىقتىرۋ ورتالىعىنىڭ ديرەكتورى رەنات كۇلماعامبەتوۆ.
الماتى