بۇرناعى كۇنى, 5 ماۋسىمدا گاز قۇيۋ ستانساسىندا اۆتوتسيستەرنا جارىلىپ, ءتورت ادام اۋرۋحاناعا تۇسكەن ەدى. سونىڭ ىشىندە دەنەسىنىڭ 90 پروتسەنتىن كۇيىك شالعان جۇرگىزۋشىنىڭ ءومىرىن ساقتاپ قالۋ مۇمكىن بولمادى. جۇرگىزۋشى كەشە ومىردەن وزدى.
گاز تاسيتىن كولىكتىڭ جۇرگىزۋشىسى وبلىس ورتالىعىنا وتباسىمەن قۇرمانعازى اۋدانىنان كوشىپ كەلگەن ەكەن. وتباسىندا ءتورت بالاسى بار. ايەلىنىڭ بەسىنشى بالاعا اياعى اۋىر. بۇل وتباسىنىڭ قالادا باسىبايلى باسپاناسى جوق. سول سەبەپتەن, ء ۇي جالداپ تۇرىپتى.
ازىرگە جارىلىستان زارداپ شەككەن تاعى ءۇش ادامنىڭ –جانار-جاعار ماي قۇيۋشى مەن ەكى ءورت ءسوندىرۋشىنىڭ جاعدايى تۋرالى ايتىلعان جوق.