قىتايدىڭ ۋحان قالاسىنداعى اۋرۋحانادان COVID-19 دياگنوزىمەن جاتقان سوڭعى ءۇش ناۋقاس جازىلىپ شىقتى. مۇنى قالا اكىمشىلىگى حابارلادى.
الەمدى شۋلاتىپ وتىرعان كوروناۆيرۋس دەرتى 2019 جىلدىڭ جەلتوقسان ايىندا ناق وسى قالادان باستاۋ العاندىعى بەلگىلى.
ربك تاراتقان حاباردا 5 ماۋسىم كۇنى ءتۇن ورتاسىنان باستاپ ۋحان قالاسى مەن حۋبەي پروۆينتسياسىندا كوروناۆيرۋستىڭ بىردە ءبىر جاڭا دەرەگى تىركەلمەگەندىگى ايتىلعان. سوڭعى ءۇش ناۋقاس اۋرۋحانادان جازىلىپ شىققان. ءسويتىپ قالادا بىردە ءبىر كوروناۆيرۋس ناۋقاسى قالماعان.
ەسكە سالا كەتسەك, ەپيدەميا ەتەك العان كەزدە حۋبەي پروۆينتسياسىندا 68135 ادام COVID-19 دەرتىنە شالدىققان بولاتىن. 63623 ادام اۋرۋىنان ساۋىقتى, 4512 ادام قايتىس بولدى.