ارىپتەسىمىز, ەلىمىزگە بەلگىلى جۋرناليست ورالحان ءداۋىت بۇگىن جامبىل وبلىستىق «اق جول» گازەتىنىڭ باس رەداكتورى بولىپ تاعايىندالدى.
ورالحان ءداۋىت ءار جىلدارى ەل گازەتى «ەگەمەن قازاقستان» باسىلىمىندا وڭتۇستىك قازاقستان, جامبىل وبلىستارىنداعى مەنشىكتى ءتىلشى بولىپ ەڭبەك ەتتى. سونىمەن قاتار, باس باسىلىمنىڭ ءبولىم مەڭگەرۋشىسى بولىپ تا قىزمەت اتقاردى. سونداي-اق, ءار جىلدارى جامبىل وبلىستىق «اراي» گازەتىنىڭ ديرەكتور-باس رەداكتورى, رەسپۋبليكالىق «جاس الاش» گازەتى باس رەداكتورىنىڭ ورىنباسارى بولدى.
قوعامداعى كۇردەلى ماسەلەلەردى دەر كەزىندە قوزعاپ, ۇتىمدى پىكىر بىلدىرەتىن ورالحان ءداۋىت قازاق ءباسپاسوزىنىڭ قازانىندا قايناپ, مايدانىندا شىڭدالعان بىلىكتى مامان. ونىڭ ءار جىلدارى جازىلىپ, ءباسپاسوز بەتتەرىندە جارىق كورگەن ماقالالارى دا لايىقتى باعالانىپ, جۋرناليستيكا سالاسىنداعى بىرقاتار سىيلىقتاردى يەلەنگەن. سونىمەن قاتار, «اق ساماۋىر» اتتى اڭگىمەلەر جيناعى جارىق كورگەن.
جامبىل وبلىسى