ءمامس جۇيەسىندەگى مەديتسينالىق وڭالتۋ جانە قالپىنا كەلتىرۋ ەمىنىڭ كولەمى 1 توقساندا 6,2 ملرد تەڭگەگە دەيىن ءوستى. 2020 جىلدىڭ 1 - توقسانىنىڭ قورىتىندىسى بويىنشا قالپىنا كەلتىرۋ ەمى مەن مەديتسينالىق وڭالتۋ كولەمى ءوستى: ەگەر وتكەن جىلدىڭ ءبىرىنشى توقسانىندا مەديتسينالىق كومەكتىڭ بۇل ءتۇرىن 23,3 مىڭ ادام السا, بيىلعى جىلى - 31,5 مىڭ ادام الدى, دەپ حابارلايدى «امسق» كەاق ءباسپاسوز قىزمەتى.
ەڭ باستىسى نەۆرولوگيا - 36% (ينسۋلت), جالپى بەيىندەگى - 28% جانە تراۆماتولوگيا جانە كارديولوگيا - تيىسىنشە 10% - دان ناۋقاستانعان قازاقستاندىقتار وڭالتۋدان جانە قالپىنا كەلتىرۋ ەمىنەن ءوتتى. سونداي-اق ەمدەلۋشىلەر ورتوپەديا, نەيروحيرۋرگيا جانە تاعى باسقا باعىتتار بويىنشا ەم الدى.
بۇل رەتتە توتەنشە جاعداي رەجيمى مەديتسينالىق كومەكتىڭ وسى ءتۇرىن تۇتىنۋ كولەمىنە اسەر ەتتى. ءساۋىر ايىندا مەدرەابيليتاتسيا كولەمى ەكى ەسە - 5,2 مىڭ ادامعا دەيىن تومەندەدى, ال ءبىرىنشى توقسان بويىنشا ورتاشا كورسەتكىش – 10 مىڭنان استام ادام.