حالىقارالىق بالالاردى قورعاۋ كۇنىنە وراي «باتىس» وڭىرلىك قولباسشىلىعى اسكەري قىزمەتشىلەرىنىڭ بالالارىنا ونلاين رەجيمدە كونتسەرت ۇيىمداستىرىلدى, دەپ حابارلايدى اتالعان قولباسشىلىقتىڭ ءباسپاسوز قىزمەتى.
اسكەري قىزمەتشىلەردىڭ بۇلدىرشىندەرى حالىقارالىق بالالاردى قورعاۋ كۇنىنە ارنالعان مەرەكەلىك ونلاين كونتسەرت چەللەندجىن ۇيىمداستىردى. ساقتىق شارالارىن ەسكەرە وتىرا, اسكەري ءبولىم باسشىلىقتارى جىل سايىنعى اسكەري ءبولىم اۋماعىندا وتەتىن قىزىقتى دا اسەرلى مەرەكەنى, بيىلعى جىلى ونلاين فورماتىندا وتكىزۋدە.
- قازاقستان رەسپۋبليكاسى قورعانىس مينيسترلىگىنىڭ اسكەري قىزمەتشىلەردىڭ وتباسىلارىمەن جۇمىس جاساۋ باسقارماسىنىڭ باستاۋىمەن, ءاربىر گارنيزوندارداعى بۇلدىرشىندەرگە ونلاين فورماتتاعى كونتسەرت تۋرالى ۇندەۋ جاريالاندى. وسى كونتسەرتكە 50-گە جۋىق قاتىسۋشىلار ءوز ونەرلەرىن جىبەردى. بىرەۋلەرى, سۋرەت سالسا, بىرەۋلەرى ءان ايتىپ, ولەڭ وقىدى. ىرىكتەلگەن ۇزدىك جۇمىستار, قارۋلى كۇشتەردىڭ بايقاۋىنا جىبەرىلدى, ال اسكەري ءبولىم باسشىلىقتارى بۇلدىرشىندەرگە ءتاتتى سيلىقتاردى تارتۋ ەتتى. ءبىز ءۇشىن بالانىڭ كۇلكىسى مەن قۋانىشقا تولى جانارى الەمدەگى ەڭ ۇلكەن بايلىق, دەيدى «باتىس» وڭىرلىك قولباسشىلىعىنىڭ اكىمشىلىك باسقارماسىنىڭ باستىعى پودپولكوۆنيك ەرمۇحامەت كۋدەروۆ.
اتالعان فورماتتاعى كونتسەرتتەر وسىمەن سوڭعى ايلاردا ءۇشىنشى رەت وتكىزىلىپ جاتىر. الدىندا ولاردىڭ تاقىرىبى «مەنىڭ اكەم وتان قورعاۋشىسى», «جەڭىس كۇنى» بولدى. بالا كوڭىلىنەن سىڭعىرلان داۋىسپەن شىققان اندەر مەن ولەڭدەر بارلىق اسكەري قىزمەتشىلەرگە جىگەرلىك پەن جاقسى كوڭىل كۇي سىيلادى.