ەنەرگەتيكا ءمينيسترى «KEGOC» اق ەلەكتر جەلىلەرىن باسقارۋ جونىندەگى قازاقستاندىق ۇلتتىق كومپانياسىنا بارىپ, كاسىپورىننىڭ جۇمىسىمەن تانىستى جانە ەلەكتر ەنەرگەتيكاسى سالاسىن دامىتۋدىڭ ماسەلەلەرى بويىنشا كەڭەس وتكىزدى, دەپ حابارلايدى ەم-ءنىڭ ءباسپاسوز قىزمەتى.
«KEGOC» اق – ورتالىقتاندىرىلعان جەدەل-ديسپەتچەرلىك باسقارۋدى, باسقا مەملەكەتتەردىڭ ەنەرگيا جۇيەلەرىمەن قاتارلاس جۇمىستى قامتاماسىز ەتۋدى, ەنەرگيا جۇيەسىندەگى بالانستى قولداۋدى, جۇيەلىك كورسەتىلەتىن قىزمەتتەردى جانە ەلەكتر ەنەرگياسى نارىعى سۋبەكتىلەرىنەن قوسالقى كورسەتىلەتىن قىزمەتتەردى ساتىپ الۋدى, سونداي-اق ەلەكتر ەنەرگياسىن ۇلتتىق ەلەكتر جەلىسى بويىنشا بەرۋدى, وعان تەحنيكالىق قىزمەت كورسەتۋدى جانە پايدالانۋ ازىرلىگىندە ۇستاۋدى جۇزەگە اسىراتىن جۇيەلىك وپەراتور.
نۇرلان نوعاەۆ جۇيەلىك وپەراتوردىڭ ۇلتتىق ديسپەتچەرلىك ورتالىعىنىڭ جۇمىسىمەن تانىستى, سونداي-اق ەلەكتر ەنەرگەتيكاسى سالاسىن دامىتۋ ماسەلەلەرى بويىنشا كەڭەس وتكىزدى. «KEGOC» اق باسقارما توراعاسى باقىتجان قاجيەۆ مينيسترگە قازاقستاننىڭ ەلەكتر ەنەرگەتيكاسى سالاسىنىڭ اعىمداعى جاي-كۇيىن مالىمدەدى.
جۇمىس بارىسىندا «KEGOC» اق-تىڭ جۇمىس ناتيجەلەرى تۋرالى, ۇلتتىق ەلەكتر جەلىسىن كۇشەيتۋ جونىندەگى ىسكە اسىرىلعان جانە اعىمداعى جوبالار تۋرالى, سونداي-اق كومپانيانىڭ پەرسپەكتيۆتى جوبالارى تۋرالى ەسەپتەر تىڭدالدى.
سونداي-اق, مينيسترگە جەك سەكتورىنداعى جانە قۋات نارىعىندا «جاڭارتىلاتىن ەنەرگيا كوزدەرىن قولداۋ جونىندەگى قارجى-ەسەپ ايىرىسۋ ورتالىعى» جشس-نىڭ قىزمەتى تۋرالى اقپارات جانە ەلەكتر ەنەرگەتيكاسى نارىعىنىڭ وسى سەگمەنتتەرىنە ەگجەي-تەگجەيلى تالداۋ ۇسىنىلدى.
كەڭەستىڭ قورىتىندىسى بويىنشا ەنەرگەتيكا ءمينيسترى ۋاكىلەتتى تۇلعالارعا بىرقاتار ناقتى تاپسىرمالار بەردى.