الەۋمەتتىك جاعدايى تومەن وتباسىلارعا بەرىلەدى.
«جۇمىسپەن قامتۋ جول كارتاسى - 2020» باعدارلاماسى اياسىندا كوكپەكتى اۋىلىندا 2 پاتەرلى 20 تۇرعىن ءۇيدىڭ قۇرىلىسى باستالدى. جوبا بويىنشا 20 قوس پاتەرلى جەكە تۇرعىن ۇيدەگى پاتەرلەردىڭ جالپى اۋدانى 100 شارشى مەتردى قۇرايدى.
2020 جىلى جاريالانعان كونكۋرستىڭ قورىتىندىسى بويىنشا وسكەمەندەگى «دوروگي ۆوستوكا» جشس جەڭىمپاز بولىپ تانىلىپ, كەلىسىم شارت جاسالدى. بۇگىنگى كۇنى مەردىگەر سەرىكتەستىك جۇمىستى باستادى. مۇنداعى 20 پاتەر باسپانا كەزەگىنە تۇرعان الەۋمەتتىك جاعدايى تومەن وتباسىلارعا بەرىلەدى. بۇل ۇيلەر پايدالانۋعا بەرىلگەننەن كەيىن اۋداندا باسپانا كەزەگىنە تۇرعاندار سانى 40 پايىزعا ازايادى. اۋداننىڭ اكىمى اسحات سمايلوۆ جانە اقساقالدار سالىنىپ جاتقان ءۇيدىڭ قۇرىلىس جوباسىمەن تانىسىپ, العاشقى ىرگە تاسىن قالادى. اتالمىش جوبا بويىنشا اۋداندا بولاشاقتا دا وسىنداي ۇلكەن جوبالار ىسكە اسىرىلاتىن بولادى.
شىعىس قازاقستان وبلىسى,
كوكپەكتى اۋدانى