قاتتى تۇرمىستىق قالدىقتاردى جيناۋعا ارنالعان كونتەينەرلەر سانى 2500 دانا. ونىڭ «اقتاۋ قالالىق تۇرعىن ءۇي كوممۋنالدىق شارۋاشىلىعى ءبولىمى» مەملەكەتتىك مەكەمەسىنىڭ تەڭگەرىمىندە 1600 دانا, «كاسپي وپەرەيتينگ» جشس تەڭگەرىمىندە 900 دانا كونتەينەرلەر بار.
ودان بولەك «اقتاۋ قالالىق تۇرعىن ءۇي كوممۋنالدىق شارۋاشىلىعى ءبولىمى» مەملەكەتتىك مەكەمەسىنىڭ تەڭگەرىمىندە 77 دانا ەۆرو كونتەينەرلەر بار. قالا اۋماعىنا قوسىمشا تاعى 1500 دانا كونتەينەرلەر قاجەت. بۇل ۋترالى اقتاۋ قالاسى اكىمدىگىنىڭ ءباسپاسوز قىزمەتى حابارلادى.
اعىمداعى جىلى قاتتى تۇرمىستىق قالدىقتاردى جيناۋعا ارنالعان كونتەينەرلەر ساتىپ الۋعا بيۋدجەتتەن 15 ملن.تەڭگە قارالعان. وعان 441 دانا كونتەينەر ساتىپ الۋعا مەملەكەتتىك ساتىپ الۋ ارقىلى «پروگرەسس-ك» جك جەڭىمپاز بولىپ انىقتالدى. ودان بولەك «كاسپي وپەرەيتينگ» جشس ءوز ەسەبىنەن جىل سوڭىنا دەيىن 400 دانا كونتەينەر قالا اۋماعىنا ورناتىلادى.
قالا اۋماعىندا قۇرامىندا رتۋت قوسىلعان لامپالاردى جينايتىن ارنايى 27 كونتەينەرلەر بار. 2020 جىلى قۇرامىندا رتۋت قوسىلعان لامپالاردى جيناۋ جانە جويۋ جۇمىستارىنا مەملەكەتتىك ساتىپ الۋ ارقىلى جەڭىمپاز بولىپ «ەديلباەۆا» جك انىقتالىپ, جۇمىستارىن جۇرگىزۋدە. بۇل جۇمىستار جىل سوڭىنا دەيىن جالعاساتىن بولادى.
ماڭعىستاۋ وبلىسى