چەحيادا CTS Presidents Cup ءتۋرنيرى ءوتتى. جەرگىلىكتى تەننيسشىلەر باق سىناعان باسەكەدە پەترا كۆيتوۆا توپ جاردى.
بۇل ەسىم جانكۇيەرلەرگە جاقسى تانىس. 30 جاستاعى بيلوۆەتس قالاسىنىڭ تۋماسى كەزىندە الەمنىڭ ەكىنشى راكەتكاسى اتانعان. پەترا كۆيتوۆا 2011 جانە 2014 جىلدارى ۋيمبلدون تۋرنيرىندە توپ جارسا, بىلتىر اۋستراليا اشىق بىرىنشىلىگىنىڭ فينالىندا ونەر كورسەتتى.
2012 جىلى رولان گارروستىڭ جارتىلاي فينالىنا دەيىن جەتتى. 2015 جانە 2017 جىلدارى اقش-تىڭ اشىق بىرىنشىلىگىنىڭ شيرەك فينالىندا شەبەرلىك بايقاستى. 2016 جىلى روي وليمپياداسىنىڭ قولا مەدالىن موينىنا ءىلدى.
بۇل كۇندەرى WTA رەيتينگىندە 12 ورىندا تۇرعان پەترا كۆيتوۆا فينالدىق سايىستا ءوز قارسىلاسىن 6:3, 6:3 ەسەبىمەن ۇتتى.