ورتا سالماقتاعى قازاقستاندىق بوكسشى گەننادي گولوۆكيننىڭ (40-1-1, 35 كو) كەلەسى جەكپە-جەگى اقش-تىڭ چيكاگو قالاسىندا ۇيىمداستىرىلادى. بۇل تۋرالى ايگىلى The Ring باسىلىمى حابارلادى.
يللينويس شتاتىندا وتەتىن بوكس كەشىندە وتانداسىمىزدىڭ قارسىلاسى پولشالىق كاميل شەرەمەتا (21-0, 5 كو) بولماق. ازىرشە جەكپە-جەكتىڭ ناقتى داتاسى بەلگىسىز. بىراق گولوۆكيننىڭ پروموۋتەرى ەددي حيرن بۇل ايقاستى تامىز ايىندا وتكىزۋگە نيەتتى ەكەنىن ايتتى.
ايتا كەتەيىك, ەكى بوكسشى اراسىنداعى جەكپە-جەك اقپان ايىنان بەرى ءتۇرلى سەبەپتەرمەن بىرنەشە رەت كەيىنگە قالدىرىلعان. گولوۆكين-شەرەمەتا كەزدەسۋىندە وتانداسىمىزدىڭ IBF چەمپيوندىق بەلبەۋى باسكە تىگىلەدى.