قازاقستان مۇسىلماندارى ءدىني باسقارماسىنىڭ توراعاسى ناۋرىزباي قاجى تاعان ۇلى باستاعان ءمۇفتيات قىزمەتكەرلەرى ماڭعىستاۋ وبلىسىنا جاساعان رەسمي ساپارى اياسىندا شوپان اتا, بەكەت اتا زيراتتارىندا بولىپ, زيارات جاساپ, قۇران باعىشتادى, دەپ حابارلادى قمدب ءباسپاسوز قىزمەتى.
زيارات جاساۋ بارىسىندا جەرگىلىكتى يمامدارمەن سۇحباتتاسقان ناۋرىزباي قاجى تاعان ۇلى: ء"بىر عۇلاما "حالىقتى وياتقىڭ كەلسە, ونىڭ تاريحىن ويات" دەگەن ەكەن. ءبىز جاستاردى قۇلشىلىققا قۇلشىندىرىپ قانا قويماي, ولاردى تاريحىمىزبەن دە تاربيەلەۋىمىز كەرەك. ءبىزدىڭ تاريحىمىز ءتالىم مەن تاعىلىمعا تولى. تالاي تۇلعالارىمىزدىڭ ءومىرى ونەگە بولىپ قالدى. ەندەشە, ونى كوبىرەك ناسيحاتتاۋىمىز كەرەك", - دەپ اتاپ ءوتتى.
باس ءمۇفتي زيارات جاساۋ راسىمىندە ارنايى قۇربان شالىپ, ەل مەن جەرىمىزدىڭ اماندىعى ءۇشىن دۇعا جاسادى.