بۇگىن ەلىمىزدىڭ باسىم بولىگىندە جاۋىن-شاشىنسىز اۋا رايى كۇتىلەدى

29 مامىردا قازاقستاننىڭ باسىم بولىگى جوعارى قىسىم اۋماعىندا بولعاندىقتان, جاۋىن-شاشىنسىز اۋا رايى كۇتىلەدى. تەك ەلىمىزدىڭ سولتۇستىگىندە جانە سولتۇستىك-باتىسىندا تسيكلون ىقپالىنان كەي جەرلەردە وتكىنشى جاڭبىر جاۋادى, نايزاعاي ويناپ, داۋىل كۇتىلەدى, بۇرشاق جاۋى مۇمكىن. كەي جەرلەردە جەل كۇشەيەدى, وڭتۇستىكتە شاڭدى داۋىل ساقتالادى, وڭتۇستىك-باتىستا تۇمان تۇسەدى.

سولتۇستىك قازاقستان وبلىسىنىڭ كەي جەرلەرىندە داۋىل سوعادى, بۇرشاق جاۋادى, جەلدىڭ جىلدامدىعى 15-20 م/س, كۇندىز جەلدىڭ ەكپىنى 25 م/س جەتەدى. تۇندە جانە تاڭەرتەڭ تۇمان ءتۇسۋى مۇمكىن.

جامبىل, تۇركىستان, قوستاناي, اقمولا, شىعىس قازاقستان, تۇندە الماتى, كۇندىز قىزىلوردا, باتىس قازاقستان, پاۆلودار, قاراعاڭدى وبلىستارىنىڭ كەي جەرلەرىندە جەلدىڭ كۇشەيىپ جىلدامدىعى 15-20 م/س جەتەدى. جامبىل وبلىسىندا شاڭدى داۋىل سوعادى.

ماڭعىستاۋ وبلىسىنىڭ كەي جەرلەرىندە تۇمان ءتۇسۋى مۇمكىن. اتىراۋ, اقتوبە, ماڭعىستاۋ وبلىستارىنىڭ كەي جەرلەرىندە, قوستاناي وبلىسىنىڭ وڭتۇستىگىندە, باتىس قازاقستان وبلىسىنىڭ وڭتۇستىك-شىعىسىندا قاتتى اپتاپ ىستىق بولادى.

پاۆلودار, شىعىس قازاقستان, قىزىلوردا, اقمولا وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.