پتر دياگنوستيكالىق زەرتتەۋ ناتيجەلەرى بويىنشا كەشە شىمكەنت قالاسىنىڭ 32 تۇرعىنىنان COVID-19 ۆيرۋسى تابىلدى, ولاردىڭ 24-ءى ۆيرۋستى جۇقتىرعاندارمەن جاقىن قارىم-قاتىناستا بولعان, 2-ءى جرۆي بەلگىلەرىمەن اۋرۋحاناعا جاتقىزىلعان, 6-ۋى سكرينينگ ناتيجەسىندە انىقتالعان. بارلىعى تيىسىنشە جۇقپالى اۋرۋلار ستاتسيونارىنا جاتقىزىلعان.
قازىرگى تاڭدا ناۋقاستاردىڭ جاعدايى قاناعاتتانارلىق. بەكىتىلگەن حاتتاماعا سايكەس ەم الىپ جاتىر. پروفيلاكتيكالىق ءىس-شارالاردى جۇرگىزۋ ءۇشىن ناۋقاستارمەن قارىم-قاتىناستا بولعان ادامدار انىقتالۋدا.اۋرۋ وشاقتارىندا دەزينفەكتسيالىق جۇمىستار جۇرگىزىلىپ جاتىر.28.05.2020 ج. جاعداي بويىنشا قالادا COVID-19 كوروناۆيرۋس ينفەكتسياسىن جۇقتىرعان جالپى 762 ادام انىقتالعان, ونىڭ ىشىندە 244-ءى جازىلىپ شىققان.