شايبالى حوككەيدەن قۇرلىقتىق حوككەي ليگاسىنىڭ (قحل) جاڭا ماۋسىمى الدىن الا بولجام بويىنشا 2 قىركۇيەكتە باستالادى. بۇل تۋرالى قحل-ءدىڭ رەسمي سايتى حابارلادى.
تۇراقتى بىرىنشىلىكتىڭ باستالۋى تۋرالى ۇيىمداستىرۋشىلار تاراپىنان بارلىق كومانداعا حابارلاما جىبەرگەن. دەگەنمەن قحل باسشىلىعى ءتۋرنيردىڭ باستالۋى ەڭ الدىمەن پاندەميانىڭ ەپيدەميالىق جاعدايى جانە رەسەي مەن تۇراقتى بىرىنشىلىككە قاتىساتىن كوماندا ەلدەرىندەگى كوروناۆيرۋستىڭ تارالۋىن ەسكەرەدى. سوندىقتان بۇل ناقتى داتا ەمەس, دەلىنگەن قحل-ءدىڭ رەسمي سايتىندا.
ەسكە سالا كەتەيىك, قحل-ءدىڭ 2019/20 جىلعى ماۋسىمى كوروناۆيرۋس پاندەمياسىنا بايلانىستى مەرزىمىنەن بۇرىن اياقتالعان ەدى. ەلوردانىڭ «بارىس» كومانداسى چەرنىشەۆ ديۆيزيونىندا توپ جارىپ, گاگارين كۋبوگى باسەكەسىنىڭ ەكىنشى پلەي-وفف كەزەڭىنە دەيىن جەتكەن بولاتىن.