باسكەتبول سپورتىنان «لەيكەرس» كلۋبىنىڭ اڭىزىنا اينالعان سپورتشى كوبي برايانتتىڭ ەسىمىن ۇلتتىق باسكەتبول قاۋىمداستىعىنىڭ (ۇبق) داڭق زالىنا رەسمي تۇردە ەنگىزۋ ءراسىمى كەلەسى جىلعا قالدىرىلدى.
ءاۋ باستا سالتاناتتى شارا تامىز ايىنىڭ 29-31 ارالىعىندا سپرينگفيلد قالاسىندا ءوتۋى ءتيىس ەدى. الايدا كوروناۆيرۋس پاندەمياسىنا بايلانىستى ءبىر جىلعا, ياعني كەلەسى جىلدىڭ تامىز ايىنا شەگەرىلدى. 26 قاڭتاردا ءوزىنىڭ جەكە ۇشاعىمەن اۋە اپاتىنا ۇشىراپ قايتىس بولعان 41 جاستاعى برايان – ۇبق-نىڭ بەس دۇركىن چەمپيونى جانە MVP فينالدىق سەرياسىنىڭ ەكى مارتە جەڭىمپازى. 18 رەت «جۇلدىزدار ماتچىندا» وينادى. 1996-2016 جىلدار ارالىعىندا ول تەك ءبىر عانا كوماندا – «لوس اندجەلەستىڭ» ساپىندا ونەر كورسەتتى.
كوبي برايانتتان بولەك, بيىل ۇبق-نىڭ داڭق زالىنا كەۆين گارنەتت پەن تيم دانكان, ايەلدەر اراسىنان تاميكا كەتچينگس, رۋدي توميانوۆيچ, كيم مالكي, باربارا ستيۆەنس جانە ەددي ساتتون سىندى باپكەردىڭ ەسىمدەرى ەنگىزىلدى.