اۋىل شارۋاشىلىعى مينيسترلىگى ورتالىق اپپاراتىنىڭ قىزمەتكەرلەرى تۇركىستان وبلىسى ماقتاارال اۋدانىنداعى سۋ تاسقىنىنان زارداپ شەككەن تۇرعىندارعا ءبىر كۇندىك جالاقىلارىن اۋداردى, دەپ حابارلايدى مينيسترلىكتىڭ ءباسپاسوز قىزمەتى.
ەستەرىڭىزگە سالا كەتەيىك, 1 مامىر كۇنى, قاتتى جاڭبىر مەن بۇرشاق سالدارىنان وزبەكستانداعى ساردوبا سۋ قويماسىنىڭ بوگەتى جارىلعان. ناتيجەسىندە تۇركىستان وبلىسى ماقتاارال اۋدانىنىڭ شەكارا كوللەكتورلارى سۋعا تولىپ, بىرنەشە ەلدىمەكەندەردى سۋ باستى.
وسىعان وراي تۇركىستان وبلىسىنىڭ ماقتاارال اۋدانىندا توتەنشە جاعداي جاريالاندى. ەل پرەزيدەنتى سۋ تاسقىنىنان زارداپ شەككەندەرگە كومەك كورسەتۋدى تاپسىرعان بولاتىن. قر پرەمەر-ءمينيسترى اسقار ءماميننىڭ تاپسىرماسىمەن تۇركىستان وبلىسىنىڭ ماقتاارال اۋدانىنداعى ەلدى مەكەندەردى سۋ باسۋ سالدارىن جويۋ ءۇشىن ۇكىمەت كوميسسياسى قۇرىلعان.