وبلىستىق ءبىلىم ساپاسىن باقىلاۋ دەپارتامەنتىنىڭ مالمەتىنشە, بيىل وبلىس بويىنشا 3770 وقۋشى مەكتەپ بىتىرمەك. ولاردىڭ قاتارىندا «التىن بەلگىگە» ۇمىتكەر 189 تۇلەك, ۇزدىك اتتەستاتقا ۇمىتكەر 151 ءبىتىرۋشى بار.
بيىل 3250 تالاپكەر (قازاق تىلىندە ءبىلىم الاتىندار سانى-1693, ورىس تىلىندە ءبىلىم الاتىندار سانى-1538) ۇبت تاپسىرۋعا ءوتىنىش بەرگەن.
ال, وبلىس ورتالىعىنداعى دارىندى بالالارعا ارنالعان مامانداندىرىلعان مەكتەپتىڭ 19 تۇلەگى شەت تىلىندە ۇبت تاپسىرادى. ۇلتتىق بىرىڭعاي تەست 20 ماۋسىم مەن 5 شىلدە ارالىعىندا وتەدى. ەلىمىزدەگى بارلىق مەكتەپتەردەگى سياقتى وڭىرىمىزدە دە سوڭعى قوڭىراۋ سالتاناتى ونلاين رەجيمدە وتەدى.
سونىمەن بىرگە «ەل ارنا»,«بالاپان» تەلەارنالارىندا 11-سىنىپ وقۋشىلارىنا ارنالعان كاسىبي باعدارلاۋ بويىنشا بىرىڭعاي تەلەساباق ۇيىمداستىرىلدى. ال 25 مامىردا ساعات 11.00-دە ونلاين-ترانسلياتسيا ارقىلى ءبىلىم جانە عىلىم ءمينيسترى شاكىرتتەردى وقۋ جىلىنىڭ اياقتالۋىمەن قۇتتىقتادى.
سونداي-اق وسى جىلى تۇلەكتەر كەشى بولمايدى. بارلىق مەرەكەلىك شارالارعا تيىم سالىنعان. مەكتەپ بىتىرۋشىلەر ءۇشىن اتتەستات تاپسىرۋ جانە سوڭعى قوڭىراۋ ءراسىمى 3-4 ماۋسىم كۇندەرى سانيتارلىق تالاپتاردى ساقتاي وتىرىپ وتكىزىلەدى. مەكتەپكە اتا-انالاردىڭ دا كەلۋىنە رۇقسات بەرىلەدى. بىراق شارا ءار سىنىپتا جەكە وتكىزىلەدى. ماسەلەن, 30-40 مينۋتتىڭ ىشىندە ءبىر سىنىپ قاتىسسا, ودان كەيىن ءسال ءۇزىلىس جاساپ ەكىنشى سىنىپتىڭ تۇلەكتەرى شاقىرىلادى.
پاۆلودار وبلىسى