قازاقستان فۋتبول فەدەراتسياسى مەن قازاقستان حوككەي فەدەراتسياسىنىڭ وكىلدەرى كەلىسسوز وتكىزدى, دەپ حابارلايدى Olympic.kz.
قازاقستان حوككەي فەدەراتسياسىنان كەزدەسۋگە سپورت ديرەكتورى الەكسەي مامونتوۆ پەن اتقارۋشى ديرەكتور اندرەي ساچۋك قاتىستى. قازاقستان فۋتبول فەدەراتسياسىنان تەحنيكالىق ورتالىق ديرەكتورى يۆان ازوۆسكي مەن بۇقارالىق, بالالار-جاسوسپىرىمدەر جانە ايەلدەر فۋتبولى دەپارتامەنتىنىڭ ديرەكتورى ەرلان جامانتاەۆ, سونىمەن قاتار سالا ماماندارى اسەت بازەكوۆ, نيكيتا ۋتروبين, قۋانىش باقىتبەكوۆ جانە قۋاندىق ەرمەكباەۆ قاتىستى.
«قازاقستان حوككەي فەدەراتسياسىنىڭ وكىلدەرى بالالار مەن جاسوسپىرىمدەر فۋتبولىنىڭ ينفراقۇرىلىمىمەن تانىستى. ولار فۋتبول كلۋبتارى مەن اكادەميالاردى سەرتيفيكاتسيادان وتكىزۋ, باپكەرلەرگە ءبىلىم بەرۋ جانە ويىنشىلاردىڭ ترانفسەر ءتارتىبى قىزىقتىردى. قازاقستان فۋتبول فەدەراتسياسىنىڭ ليتسەنزيالاۋ جانە اتتەستاتسيالاۋ دەپارتامەنتى مەن قازاقستان كاسىپقوي فۋتبول ليگاسىنىڭ ماماندارى دا سەرىكتەستىك تانىتتى. ۇجىمداردىڭ ىنتىماقتاستىعى الەم سپورتىنىڭ باسىم باعىتتارىنىڭ ءبىرى بولىپ قالا بەرمەك. ارىپتەستەرگە قولداۋ كورسەتۋگە تىرىسامىز», - دەيدى قازاقستان فۋتبول فەدەراتسياسىنىڭ تەحنيكالىق ورتالىعىنىڭ ديرەكتورى يۆان ازوۆسكي.
سونداي-اق قازاقستان حوككەي فەدەراتسياسىنىڭ سپورت ديرەكتورى الەكسەي مامونتوۆ ىنتىماقتاستىق قارىم-قاتىناستى نىعايتۋ جولىندا جۇمىس جالعاسا بەرەتىنىن ايتتى.
ء«بىز ءۇشىن قازاقستاندىق فۋتبولداعى ويىنشىلاردىڭ الماسۋى كەزەڭىندەگى وتەماقى مەحانيزمدەرى قىزىقتى بولدى. سونىمەن قاتار, باپكەرلەردى سەرتيفيكاتسيادان وتكىزۋ, سپورت عيماراتتارى مەن ءارتۇرلى كلۋبتىڭ قۇرىلىمدارىن ليتسەنزيالاۋ تاجىريبەسىمەن الماسامىز. ولاردىڭ اراسىندا بالالار مەكتەبى دە بار. پايدالى تاقىرىپتاردى قوزعاي بىلگەن ارىپتەستەرگە العىس ايتامىن. ىنتىماقتاستىق قارىم-قاتىناستى نىعايتۋ جولىندا جۇمىستى جالعاستىرا بەرەمىز», - دەيدى قازاقستان حوككەي فەدەراتسياسىنىڭ سپورت ديرەكتورى الەكسەي مامونتوۆ.