قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى قازاقستان رەسپۋبليكاسىنىڭ جوعارى وقۋ ورىندارى مەن عىلىمي ۇيىمدارىنداعى عىلىمنىڭ, تەحنيكانىڭ جانە تەحنولوگيانىڭ باسىم باعىتتارى بويىنشا قولدانبالى زەرتتەۋلەر سالاسىنداعى عىلىمي جوبالار مەن جاس عالىمداردىڭ جۇمىستارىن قارجىلاندىرۋعا گرانتتار بايقاۋىنا قۇجات قابىلداۋ مەرزىمى 30 مامىردا اياقتالادى.
اتالعان بايقاۋ قازاقستاندىق جاس عالىمداردىڭ يمپورتتى الماستىراتىن الەۋەتى, جوعارى يننوۆاتسيالىق جانە الەۋمەتتىك ماڭىزى بار, كەلەشەگى زور عىلىمي ازىرلەمەلەرىنە قولداۋ كورسەتۋ ماقساتىندا جاريالانعان بولاتىن.
كونكۋرستىق ىرىكتەۋگە قاتىسۋعا عىلىمي دارەجەسى بار (عىلىمي كانديدات نەمەسە عىلىم دوكتورى نەمەسە فيلوسوفيا دوكتورى (PhD), بەيىنى بويىنشا دوكتور) 40 جاستان اسپايتىن عىلىمي قىزمەتكەرلەر (عىلىمي ۇيىمدا, جوعارى وقۋ ورنىندا نەمەسە ۇيىمنىڭ عىلىمي بولىمشەسىندە جۇمىس ىستەيتىندەر) عىلىمي زەرتتەۋلەرگە بەلسەندى قاتىساتىن قازاقستان ازاماتتارى جىبەرىلەدى.
كونكۋرسقا قاتىسۋعا وتىنىمدەردى يندەكس A25T0H5, قازاقستان رەسپۋبليكاسى, الماتى ق., يۆانيلوۆ كوشەسى, 12ا مەكەنجايىنا جولداۋ كەرەك.
سونىمەن قاتار roza@fpp.kz ەلەكتروندىق پوشتاسى قوسىمشا اقپارات الۋعا بولادى.
ال بايقاۋدىڭ شارتتارى مەن تالاپتارىن مىناۋ سىلتەمە ارقىلى تاۋىپ, وقي الاسىز.