15 مامىردان باستاپ ون كۇننىڭ ىشىندە 217 مىڭ بيلەت ساتىلعان. بۇل تۋرالى يدم ءباسپاسوز قىزمەتى حابارلادى.
كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسىندا قابىلدانعان شەشىمگە سايكەس 2020 جىلدىڭ 1 ماۋسىمىنان باستاپ تەمىرجول كولىگىمەن جولاۋشىلار تاسىمالى جاڭارتىلىپ, ءتۇرلى باعىتتار بويىنشا 54 پويىز جۇرە باستايدى.
بيلەتتەر ساتىلىمعا 2020 جىلدىڭ 15 مامىرىنان باستاپ ءتۇسىپ, 10 كۇننىڭ ىشىندە 217 مىڭ بيلەت ساتىلعان.
كوروناۆيرۋستىق ينفەكتسياعا بايلانىستى قالىپتاسقان جاعدايدا ءوزارا بايلانىستى ازايتۋ ماقساتىندا يدم پويىز بيلەتتەرىن ونلاين رەجيمدە رەسىمدەۋدى ۇسىنادى.
ەستەرىڭىزگە سالا كەتەيىك, 2019 جىلدىڭ 1 شىلدەسىنەن ەلەكتروندىق بيلەتتەۋدىڭ جاڭا جۇيەسىنە كوشۋ باستالادى. بۇل جۇيە بيلەتتەردى ساتىپ الۋ شارتتارىن جاقسارتۋعا, سونداي-اق «كۇتۋ پاراعى» بويىنشا كەزەك تارتىبىمەن بيلەت ساتىپ الۋعا مۇمكىندىك بەردى.
«كۇتۋ پاراعى» ارقىلى جولاۋشىلار ورىن بولماعان جاعدايدا دا ءوتىنىم بەرە الادى. ورىن پايدا بولعاندا جولاۋشى ەلەكتروندىق پوشتاسىنا ءتيىستى حابارلاما الادى. بۇل رەتتە جولاۋشىنىڭ دەرەكتەرىن اۋىستىرۋ مۇمكىن ەمەس. وسىلايشا, جولاۋشىلاردى اۋىستىرۋعا جانە بروندالعان بيلەتتەردى ساتىپ الۋعا جول بەرىلمەيدى.