نۇر-سۇلتان قالاسىنىڭ اكىمى التاي كولگىنوۆ ورتالىق كوممۋنيكاتسيالار قىزمەتىندە وتكەن ونلاين بريفينگتە ەلورداداعى كوروناۆيرۋس بويىنشا ەپيدەميولوگيالىق جاعداي تۋرالى ءسوز ەتتى.
«ەلوردادا وسى ۋاقىتتا 1686 ادام كوروناۆيرۋس جۇقتىردى. 835 پاتسيەنت ەمدەلىپ شىقتى. قالعانى قازىر كارانتيندە. وكىنىشكە قاراي, 5 ادام قايتىس بولدى. قازىرگى كۇندەلىكتى ءوسىم ستاتيستيكاسى 2,4 پايىزدى قۇرايدى», - دەدى التاي كولگىنوۆ.
سونداي-اق ول كوروناۆيرۋس كەز كەلگەن جاستاعى ازاماتتار ءۇشىن قاۋىپتى ەكەنىن تاعى ءبىر ەسكە سالدى.
«ناۋقاس ازاماتتاردىڭ 40 پايىزى – 30 جاسقا دەيىنگى ازاماتتار, 35 پايىزى – 30 جاستان 50 جاسقا دەيىنگى ادامدار. وسى ستاتيستيكاعا سۇيەنەتىن بولساق, كوروناۆيرۋس جۇقتىرۋ قاۋپى تەك جاسى ۇلكەن ازاماتتار مەن زەينەتكەرلەر, سونداي-اق بۇرىن اۋرۋى بولعان ازاماتتار ءۇشىن عانا قاۋىپتى ەمەس. ءبىزدىڭ تاجىريبە كورسەتكەندەي, كوروناۆيرۋس جاس تالعامايدى. ءبىز بۇل ىندەتتەن بارلىعىمىز بىردەي ساقتانۋىمىز كەرەك», - دەدى قالا اكىمى.