توتەنشە جاعداي بويىنشا وتكىزىلگەن مەملەكەتتىك كوميسسيا وتىرىسىندا سىبايلاس جەمقورلىققا قارسى ارەكەتتەردىڭ الدىن الۋ شارالارىن كۇشەيتە وتىرىپ, سىبايلاس جەمقورلىققا قارسى قىزمەت جۇمىسىنداعى باسىمدىلىقتاردى قايتا قاراۋعا تاپسىرىس بەرىلگەن بولاتىن.
سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتى كوروناۆيرۋس ينفەكتسياسىنىڭ تاراۋىنا جول بەرمەۋ ماقساتىندا, كارانتيندىك-شەكتەۋ شارالارىن ساقتاي وتىرىپ, قالىپتى تارتىپتە جۇمىسىن جالعاستىرۋدا. وعان قوسا, توتەنشە جاعداي بارىسىندا سىبايلاس جەمقورلىقتىڭ الدىن الۋ بويىنشا ءىس-شارالار وتكىزۋ ونلاين فورماتقا اۋىستىرىلدى.
توتەنشە جاعداي كەزىندە الەۋمەتتىك جەلى اۋديتورياسىنىڭ بەلسەندىلىگى ءبىرشاما ارتقاندىعى بايقالادى. وسى تۇرعىدا ونلاين تۇردە سىبايلاس جەمقورلىققا قارسى كونتەنتتىڭ تۇراقتى ترانسلياتسياسىن قاراستىراتىن «اntikor.live» جوباسىن جۇزەگە اسىرۋدا. Instagram جانە Facebook الەۋمەتتىك جەلىلەرىندەگى رەسمي پاراقشادا كۇن سايىن «اقمولا – ادالدىق الاڭى» جوبالىق كەڭسەسىنىڭ, ارنايى مونيتورينگتىك توپتىڭ باسشىلارى حالىققا ەلدەگى سىبايلاس جەمقورلىققا قارسى جۇزەگە اسىرىلاتىن ءىس جونىندە اقپاراتتار بەرەدى.
سونداي-اق «اntikor.live» جوباسى اياسىندا «Antikor ortalyǵy» سەرۆيستىك ورتالىعى الاڭىندا مەملەكەتتىك ورگاندار مەن ۇيىمداردىڭ وكىلدەرىمەن سۇحبات جۇرگىزىلىپ, وزەكتى ماسەلەلەرگە تۇسىنىك بەرىلەدى. قازىرگى ۋاقىتتا وبلىستىق جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ باسقارماسىمەن بىرلەسە وتىرىپ, 42 500 تەڭگە كولەمىندەگى الەۋمەتتىك تولەم تاعايىنداۋ ماسەلەسى بويىنشا, وبلىستىق اكىمشىلىك پوليتسييا باسقارماسىمەن توتەنشە جاعداي ءتارتىبىن ساقتاماعان ازاماتتاردى جاۋاپكەرشىلىككە تارتۋ, كاسىپكەرلىك جانە ونەركاسىپ باسقارماسىمەن توتەنشە جاعداي كەزىندە كاسىپكەرلەرگە قولداۋ كورسەتۋ تاقىرىپتارىندا تىكەلەي ەفيرلەر جۇرگىزىلدى. جوبا اياسىندا بارلىعى 40-تان استام تىكەلەي ەفير ۇيىمداستىرىلىپ, جوعارىدا ايتىلعان تاقىرىپتار قامتىلدى.
ۆولونتەر جىلىندا ازاماتتاردىڭ قۇقىقتىق ساۋاتتىلىعىن ارتتىرۋ جانە زاڭگەرلىك كومەك كورسەتۋ ماقساتىندا اعىمداعى جىلدىڭ اقپان ايىندا باستالعان «Adal kómek» جوباسى دا توتەنشە جاعداي مەرزىمىندە ونلاين-فورماتتا جۇزەگە اسىرىلۋدا. قۇقىقتىق كومەك العىسى كەلگەن كەز كەلگەن ازامات دەپارتامەنتتىڭ الەۋمەتتىك جەلىلەرىندەگى رەسمي پاراقشاسىنا جەكە حابارلاما جازا الادى. كومەك سۇراعان ءار ازاماتقا كەڭەس بەرىلەدى. سونىمەن قاتار ناۋرىز ايىنان باستاپ ازاماتتىق قوعامدا پاراساتتىلىقتى, ادىلدىكتى, ادالدىقتى قالىپتاستىرۋعا تارتۋ باعىتىندا #اdaldyqJolymen مەملەكەتتىك چەللەندجى ىسكە قوسىلدى.
ودان باسقا تەگىن زاڭگەر كەڭەسى زاڭ سالاسىنىڭ وكىلدەرىمەن, سونداي-اق سىبايلاس جەمقورلىققا قارسى قىزمەت جانە باسقا دا مەملەكەتتىك ورگانداردىڭ قىزمەتكەرلەرىمەن كۇن سايىن دەپارتامەنتتىڭ پاراقشالارىندا تىكەلەي ەفيرلەر جۇرگىزۋ ارقىلى جۇزەگە اسىرىلىپ, ازاماتتاردىڭ وزەكتى قۇقىقتىق ساۋالدارىنا تۇسىنىك بەرىلەدى. ءبىر سوزبەن ايتقاندا, تەگىن زاڭگەرلىك كەڭەستى ۇيدەن شىقپاي الۋعا ابدەن بولادى.
وعان قوسا, بۇرىن وبلىستىق سىبايلاس جەمقورلىققا قارسى ۆەدومستۆو باسشىلىعى كۇندەلىكتى جەكە قابىلداۋ جۇرگىزگەن بولسا, توتەنشە جاعداي ەنگىزىلۋگە بايلانىستى دەپارتامەنت ازاماتتاردى ونلاين تارتىپتە قابىلدايدى. Skype سەرۆيسى ارقىلى اقمولالىقتار كوكەيكەستى ساۋالدارى بويىنشا باسشىعا تىكەلەي جۇگىنە الادى. ول ءۇشىن جاۋاپتى قىزمەتكەرمەن تىكەلەي ەفيرگە شىعۋ مەرزىمى تۋرالى الدىن الا كەلىسىپ السا بولعانى.
تۇرعىندارمەن ءتيىمدى كوممۋنيكاتسيا قۇرۋدى جالعاستىرا وتىرىپ, «اشىق ديالوگ» پورتالىندا دا, دەپارتامەنتتىڭ الەۋمەتتىك جەلىلەردەگى رەسمي پاراقشاسىندا دا جۇيەلى تۇردە ينتەرنەت-كونفەرەنتسيالار وتكىزۋدەمىز. سونىمەن قاتار دەپارتامەنت قىزمەتكەرلەرى ۆيدەوكونفەرەنتسيا بايلانىسىن قولدانۋ ارقىلى سىبايلاس جەمقورلىققا قارسى قىزمەت جۇمىسىنىڭ باستى باعىتىن ءتۇسىندىرۋ بويىنشا ونلاين-سەمينارلار, ونلاين-دارىستەر وتكىزۋدە. «Antikor ortalyǵy» سەرۆيستىك ورتالىعى الاڭىندا ونلاين-بريفينگتەر وتكىزەمىز.
سىبايلاس جەمقورلىق قاۋپى مەن سىبايلاس جەمقورلىققا قارسى مونيتورينگ تالداۋىنا كەلەر بولساق, دەپارتامەنت قىزمەتكەرلەرى اتالعان باعىتتا تالداۋ جۇمىستارىن جۇرگىزۋدە. وسىلايشا مەملەكەتتىك ساتىپ الۋداعى سىبايلاس جەمقورلىقتىڭ الدىن الۋ ماقساتىندا ايماقتا «ساتىپ الۋدىڭ بىرىڭعاي تەرەزەسى» اقپاراتتىق-تالداۋ جۇيەسى قولدانىلۋدا. مەملەكەتتىك ورگاندار جانە كۆازيمەملەكەتتىك سەكتورلاردىڭ ساتىپ الۋعا جوسپارلانعان تاۋارلاردىڭ, جۇمىستار مەن قىزمەتتەردىڭ كوتەرىلگەن باعاسىن تومەندەتۋ ارقىلى ءبىز ەنگىزگەن ۇسىنىستاردان كەيىن اعىمداعى جىلدىڭ باسىنان بەرى 22,5 ملن تەڭگە ۇنەمدەلدى.
سىبايلاس جەمقورلىققا قارسى الدىن الۋ ءىس-شارالارىنا قوعامدىق سالا وكىلدەرىنىڭ دە بەلسەندى قاتىسقاندىعىن اتاپ ءوتۋ قاجەت. مىسالى, «اقمولا – ادالدىق الاڭى» جوبالىق كەڭسەسىنىڭ مۇشەلەرى ايماقتىق ارنايى مونيتورينگتىك توپپەن بىرلەسە الەۋمەتتىك ماڭىزى بار ازىق-ت ۇلىك تاۋارلارى, مەديتسينا قۇرالدارى باعالارىنا, بلوك-بەكەتتەردە مونيتورينگ جۇرگىزەدى جانە اتالعان باعىتتا باسقا دا ءىس-شارالاردى جۇيەلى تۇردە وتكىزىپ وتىرادى. جۇرگىزىلگەن تالداۋ باق-تا جانە الەۋمەتتىك جەلىلەردە دە جاريالانادى.
سونىمەن قاتار زاڭناماعا سايكەس قىزمەتتىك قاجەتتىلىككە بايلانىستى, سىبايلاس جەمقورلىققا قارسى قىزمەتتىڭ جەدەل-ىزدەستىرۋ جۇمىستارى كارانتيندىك-شەكتەۋ شارالارىن ساقتاي وتىرىپ, قالىپتى تۇردە جۇزەگە اسىرىلۋدا.
مۇرات تولەۋباەۆ,
سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتىنىڭ باسشىسى