ەلوردانىڭ «سارىارقا» اۋدانىن دامىتۋ جوسپارلارى ايتىلدى

2020 جىلدىڭ 1 توقسانىنداعى اقپارات بويىنشا «سارىارقا» اۋدانىندا شامامەن 340 مىڭ ادام تىركەلگەن. بۇل – جالپى ەلوردا تۇرعىندارىنىڭ 29,6% قۇرايدى.

كەزدەسۋ بارىسىندا اكىم بۇگىننەن باستاپ «سارىارقا» اۋدانى اكىمدىگىندە جۇمىسپەن قامتۋدىڭ جول كارتاسىنا قاتىسۋعا وتىنىشتەردى قابىلداۋ باستالعانىن ايتتى. «بيىل ءبىزدىڭ الدىمىزدا جۇمىسپەن قامتۋ ورتالىعى باعىتىندا 250-دەن استام ادامدى تۇراقتى جۇمىسپەن قامتۋ مىندەتى تۇر. سونىمەن قاتار, جۇمىسپەن قامتۋدىڭ جول كارتاسىن جۇزەگە اسىرۋدا 40 ءۇي اۋماعىن اباتتاندىرۋ, 14 قوعامدىق ورىندارعا قۇرىلىس جۇمىستارى مەن رەتكە كەلتىرۋ, كوشەلەردى جارىقتاندىرۋ جانە سۋارۋ جۇيەسى ءۇشىن 2 ملرد تەڭگەگە جۋىق قاراجات ءبولىندى», دەدى ەرعالي ەگەمبەردى.

بۇل جۇمىستارعا ونىڭ ىشىندە اۋلالاردى اباتتاندىرۋعا 500-دەن استام ادام تارتىلادى, ونىڭ جارتىسى جۇمىسپەن قامتۋ ورتالىعىنان جىبەرىلەدى. اۋداندا 540 اۋلا بار, ونىڭ 119-ى نەمەسە 22% ءالى دە جوندەۋدى قاجەت ەتەدى. بيىل جۇمىسپەن قامتۋ جول كارتاسىنىڭ ارقاسىندا 40 اۋلانى اباتتاندىرۋ جوسپارلانعان, جۇمىستار كەلەسى اپتادا باستالادى.

ەفير بارىسىندا اكىم «بيۋدجەتكە قاتىسۋ» جوباسى اياسىندا وسى جىلدىڭ 27 قاڭتارىنان 1 ناۋرىزىنا دەيىن 40 ءوتىنىش ءتۇسىپ, ونىڭ ىشىندە 13 جوبا بيىل ىسكە اسىرىلاتىنىن جەتكىزدى. «مەن اۋدان تۇرعىندارىن «بيۋدجەتكە قاتىسۋ» جوباسىنا بەلسەندى قاتىسۋعا شاقىرامىن», دەدى ەرعالي ەگەمبەردى.

ەستەرىڭىزگە سالا كەتەيىك, «استانا – ادالدىق الاڭى» جوباسى اياسىندا «سارىارقا» اۋدانى اكىمدىگى ءبىرىنشى بولىپ «بيۋدجەتكە قاتىسۋ» پيلوتتىق جوباسىن جۇزەگە اسىردى. ونىڭ كومەگىمەن ازاماتتار جەرگىلىكتى بيۋدجەتتەن نىسانداردى اباتتاندىرۋ ءۇشىن ءوز يدەيالارىن ۇسىنادى. وتكەن جىلى اۋدان اكىمدىگىندە پيلوتتىق رەجيمدە اۋلانى اباتتاندىرۋ جانە ينفراقۇرىلىمدى دامىتۋ بويىنشا جالپى 100 ملن تەڭگەنى قۇرايتىن 14 جوبا جۇزەگە اسىرىلعان.

سونداي-اق «حالىق ۇنىنە قۇلاق اساتىن مەملەكەت» تۇجىرىمداماسىن قامتاماسىز ەتۋ جانە تۇرعىندارمەن كەرى بايلانىستى كۇشەيتۋ اياسىندا 27 قاڭتار مەن 3 اقپان ارالىعىندا اۋدان تۇرعىندارىمەن 6 ەسەپ بەرۋ كەزدەسۋ وتكىزىلگەن. كەزدەسۋگە 2000-نان استام تۇرعىن قاتىسىپ, 118 تۇرعىننان 278 سۇراق قويىلعان.

«سارىارقا» اۋدانى اكىمىنىڭ تۇرعىندارمەن ەسەپ بەرۋ كەزدەسۋىندەگى تۇرعىنداردىڭ ۇسىنىستارى مەن وتىنىشتەرىن ورىنداۋ ماقساتىندا ءىس-شارالار جوسپارى بەكىتىلگەن. اكىم «سارىارقا» اۋدانىندا 2018 جىلدىڭ قاراشا ايىندا «استانا – ادالدىق الاڭى» جوباسىن جۇزەگە اسىرۋ اياسىندا «Open space» فورماتىندا اشىلعان فرونت-كەڭسە تۋرالى اتاپ ءوتتى.

ترانسفورماتسيا اياسىندا جۇمىس كەڭىستىگىن وڭتايلاندىرعان (3-قابات تولىق بوساتىلعان, 1000 م2). جىل سايىن 38 ملن. تەڭگە بيۋدجەت قاراجاتىن ۇنەمدەۋگە مۇمكىندىك بەرەدى. سارىارقا اۋدانى ەلىمىزدە «سيتي-مەنەجدەر» جانە «بيۋدجەتكە قاتىسۋ» سىندى سەرپىندى جوبالاردى ءبىرىنشى بولىپ جۇزەگە اسىرعان.

ازاماتتاردىڭ وتىنىشتەرىنە تەز ءارى ءتيىمدى جاۋاپ بەرۋ ءۇشىن الەۋمەتتىك جەلىلەر (Instagram, Facebook جانە Telegram) ارقىلى كەرۋ بايلانىس ورناتۋدا. الەۋمەتتىك جەلىلەردە 22 مىڭنان استام جازىلۋشى بار. اكىمدىك اۋدان تۇرعىندارىنان ولاردى تولعاندىراتىن بارلىق ماسەلەلەر بويىنشا كۇندەلىكتى بايلانىس ورناتۋدا. «Ikomek» جۇيەسى بەلسەندى تۇرعىندارعا پروبلەمالارىن مەملەكەتتىك ورگاندارعا تەز ارادا جەتكىزۋگە ەرەكشە مۇمكىندىك بەرەدى. وسى جىلدىڭ 4,5 ايىندا 11,5 مىڭنان استام ءوتىنىش, وتكەن جىلى 14 مىڭعا جۋىق ءوتىنىش قارالعان.

اكىم سونىمەن بىرگە ايماقتا قوعامدىق كەڭىستىكتى اباتتاندىرۋ, گازداندىرۋ, دەزينفەكتسيالاۋ, ماڭىزدى نىسانداردى سالۋ (مەكتەپتەر, اۋرۋحانالار جانە ت.ب.), جۇمىس ورىندارىن قۇرۋ, جولداردى جوندەۋ, جوسپارلانعان ماڭىزدى الەۋمەتتىك جانە باسقا نىساندار بويىنشا جۇرگىزىلىپ جاتقان جۇمىستارعا قاتىستى بىرقاتار سۇراقتارعا جاۋاپ بەردى.