قازاقستان مەن قىتايدىڭ مەديتسينالىق ساراپشىلارى كوروناۆيرۋسقا قارسى ءىس-قيمىل بويىنشا تاجىريبە الماستى. بۇل تۋرالى ءسىم ءباسپاسوز قىزمەتى حابارلادى.
قازاقستاننىڭ قىتايداعى ەلشىلىگىنىڭ قولداۋىمەن بەيجىڭ ۋنيۆەرسيتەتىنىڭ كلينيكالىق اۋرۋحاناسىنىڭ ساراپشىلارى مەن قر دەنساۋلىق ساقتاۋ ورگاندارىنىڭ جەتەكشى ماماندارى اراسىندا ونلاين-بەينەكونفەرەنتسيا ءوتتى. ساراپشىلار بەينەكونفەرەنتسيا بارىسىندا COVID-19 ىندەتىنىڭ تارالۋىنىڭ الدىن الۋ, سونداي-اق كوروناۆيرۋستىق ينفەكتسيانى انىقتاۋ مەن ەمدەۋدىڭ ءتيىمدى تاسىلدەرىن تالقىلادى.بۇعان قوسا, قازاقستان مەن قىتايدىڭ دەنساۋلىق ساقتاۋ سالاسىنداعى ىنىماقتاستىعىن تەرەڭدەتۋ ماقساتىندا تاراپتار ءوزارا ىقپالداسۋدى جانە ونلاين-كونفەرەنتسيا تۇرىندە كەلىسسوزدەر جۇرگىزۋدى ودان ءارى جالعاستىرۋ تۋرالى ۋاعدالاستىققا قول جەتكىزدى.