بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە مو جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ مىندەتىن اتقارۋشى جايساڭگۇل دوسپولوۆا مالىمدەدى.
ەلىمىزدە جاريالانعان توتەنشە جاعدايعا بايلانىستى ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ ماڭعىستاۋ وبلىسىنىڭ اكىمدىگى وبلىس بويىنشا حالىقتى جۇمىسپەن قامتۋعا جاردەمدەسۋدىڭ كەشەندى جوسپارىن جاساقتاپ, بەكىتتى.
بۇل كەشەندى جوسپار شەڭبەرىندە بارلىعى 17 320 ادام قامتىلادى دەپ كۇتىلۋدە. كەشەندى جوسپارعا ساي ىسكە اسىرىلاتىن مەملەكەتتىك باعدارلامالار شەڭبەرىندە ازاماتتاردى قامتۋ كوزدەلىپ وتىر.
جۇمىسپەن قامتۋ شارالارى بويىنشا 8 067 ادام تۇراقتى جۇمىس ورىندارىمەن, 7 334 ادام ۋاقىتشا جۇمىس ورىندارىمەن قامتىلادى. سونىمەن قاتار «ەڭبەك» مەملەكەتتىك باعدارلاماسى شەڭبەرىندە قىسقا مەرزىمدى كاسىپتىك وقۋدى بىتىرگەن 840 ادام جۇمىسپەن قامتىلسا, 624 ادام شاعىن نەسيەمەن جانە 455 ادام جاڭا بيزنەس-يدەيالاردى جۇزەگە اسىرۋ ءۇشىن مەملەكەتتىك گرانتتارمەن قامتىلادى.
سونىمەن قاتار, وسى توتەنشە جاعدايعا بايلانىستى رەسپۋبليكالىق بيۋدجەتتەن قوسىمشا 1 556 ادامدى قامتۋ ءۇشىن 585 ملن تەڭگە قارجى ءبولىندى.
كەشەندى جوسپار شەڭبەرىندە 18 876 ادام قامتىلادى.
ماڭعىستاۋ وبلىسى