جامبىل وبلىسى اكىمىنىڭ وكىمىمەن جازىلبەك ۇلان ەركىن ۇلى جامبىل وبلىسى اكىمىنىڭ ورىنباسارى بولىپ تاعايىندالدى. بۇل تۋرالى جامبىل وبلىسى اكىمدىگىنىڭ ءباسپاسوز قىزمەتى حابارلادى.
ۇلان جازىلبەك 1962 جىلى تۋعان, ءبىلىمى جوعارى. 1984 جىلى الماتى ساۋلەت-قۇرىلىس ينستيتۋتىن «ينجەنەر-قۇرىلىسشى» ماماندىعى بويىنشا جانە 2009 جىلى د.ا. قوناەۆ اتىنداعى ۋنيۆەرسيتەتىن «زاڭگەر» ماماندىعى بويىنشا تامامداعان.
ول ەڭبەك جولىن 1984 جىلى الماتى ءۇي قۇرىلىسى كومبيناتىندا شەبەر, پروراب, اعا پروراب بولىپ باستاعان. 1992-2005 جىلدارى جەكە سەكتوردا جانە كوممەرتسيالىق ۇيىمداردا باسشىلىق لاۋازىمداردا, 2005-2008 جىلدارى الماتى قالاسى مەملەكەتتىك ساۋلەت – قۇرىلىس باقىلاۋ دەپارتامەنتىنىڭ باس مامانى, ساۋلەت-قۇرىلىس باقىلاۋ ءبولىمىنىڭ باستىعى, 2009-2011 جىلدارى «قورعاس» شەكارا ماڭى ىنتىماقتاستىعى حالىقارالىق ورتالىعى» اق دەپارتامەنتىنىڭ ديرەكتورى, «قورعاس – سەرۆيس» جشس قۇرىلىس ءبولىمىنىڭ باستىعى قىزمەتتەرىن اتقارعان.
سونداي-اق 2011-2013 جىلدارى الماتى قالاسى بويىنشا مەملەكەتتىك ساۋلەت-قۇرىلىس باقىلاۋ جانە ليتسەنزيالاۋ دەپارتامەنتى باسشىسىنىڭ ورىنباسارى, 2013-2014 جىلدارى وڭىرلىك دامۋ مينيسترلىگى قۇرىلىس جانە تۇرعىن ءۇي - كوممۋنالدىق شارۋاشىلىق كوميتەتى توراعاسىنىڭ ورىنباسارى, 2014 - 2017 جىلدارى ۇلتتىق ەكونوميكا مينيسترلىگى ەكونوميكا ينفراقۇرىلىمىن دامىتۋ دەپارتامەنتىنىڭ ديرەكتورى, يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق سالاسىن دامىتۋ دەپارتامەنتىنىڭ ديرەكتورى لاۋازىمدارىندا بولعان.
2017 جىلدىڭ قاراشا ايىنان باستاپ پاۆلودار وبلىسى اكىمىنىڭ ءبىرىنشى ورىنباسارى قىزمەتىن اتقارعان.