اۋىل شارۋاشىلىعى مينيسترلىگى كەپىلزاتتىق ساياساتتى قايتا قارادى: ەندى فەرمەرلەردى نەسيەلەۋ بويىنشا كەپىلدىكتەر جوعارى دەڭگەيدە باعالانادى. بۇل تۋرالى اۋىل شارۋاشىلىعىنىڭ ءبىرىنشى ۆيتسە-ءمينيسترى ايداربەك ساپاروۆ اۋىلشارۋاشىلىق بيزنەستى قارجىلاندىرۋعا ارنالعان بەينەكونفەرەنتسيا بارىسىندا ايتتى.
اۋىل شارۋاشىلىعى مينيسترلىگىندە كوكتەمگى دالا جۇمىستارىن قارجىلاندىرۋ, اۋىلشارۋاشىلىق ونىمدەرىن فورۆاردتى ساتىپ الۋدى ەنگىزۋ, اۋىل كاسىپكەرلىگىنە ميكروكرەديت بەرۋ جانە اۋىلشارۋاشىلىق تەحنيكالارى مەن جابدىقتارىن ليزينگكە بەرۋ تۋرالى بەينەكونفەرەنتسيا ءوتتى. ءىس-شاراعا اۋىل شارۋاشىلىعى مينيسترلىگىنىڭ قىزمەتكەرلەرى, فەرمەرلىك شارۋاشىلىق باسشىلارى, وبلىس اكىمدىكتەرى, «اتامەكەن» ۇكپ, «قازاگرو» ۇبح, ازىق-ت ۇلىك كورپوراتسياسى, اگرارلىق نەسيە كورپوراتسياسى (انك), «قازاگروفينانس», اۋىل شارۋاشىلىعىن قارجىلاي قولداۋ قورى جانە قازاقستان فەرمەرلەر وداعى قاتىستى.
«قازاگرو» قارجى ينستيتۋتتارىنىڭ باسشىلارى فەرمەرلەردى قارجىلاندىرۋدىڭ بيىلعى باعدارلامالارىنىڭ ورىندالۋى تۋرالى باياندادى. سونداي-اق «اگروكرەديت» كورپوراتسياسىنىڭ وكىلى «كەڭ دالا» باعدارلاماسى بويىنشا نەسيەلەندىرۋ ناتيجەلەرى تۋرالى ايتتى, باعدارلاما اياسىندا شاعىن جانە ورتا فەرمەرلەرگە جىلدىق 5% -بەن 70 ملرد تەڭگە بەرىلدى. ال «قاراپايىم زاتتار ەكونوميكاسى» باعدارلاماسى بويىنشا فەرمەرلەردى قارجىلاندىرۋعا بولىنگەن 100 ملرد-تىڭ 6,5-ءى يگەرىلدى. نەسيە بەرۋدى تەزدەتۋ ءۇشىن بارلىق جاعداي قاراستىرىلۋدا. انك وتىنىمدەردى قاراستىرۋ مەن ءتيىستى قۇجاتتاردىڭ ۋاقىتىن قىسقارتادى.
«قازاگروفينانس» - تا جەڭىلدەتىلگەن جۇيەمەن قارجىلاندىرۋعا كىرىستى. بۇگىنگى تاڭدا كوكتەمگى دالا جۇمىستارىنا ارنالعان تەحنيكالارعا 33,3 ملرد. تەڭگەگە وتىنىمدەر ماقۇلداندى. سونىمەن قاتار, كاف وكىلدەرى فەرمەرلەر اراسىندا ليزينگكە سۇرانىستىڭ وسكەنىن اتاپ ءوتتى. توتەنشە جاعداي كەزىندە كومپانيا فەرمەرلەردى قولداۋ بويىنشا بىرقاتار باعدارلامالار ەنگىزدى. اتاپ ايتقاندا, «قازاقستاندا جاسالعان» جەڭىلدەتىلگەن باعدارلاماسى ىسكە قوسىلدى, ول فەرمەرلەرگە اۆانستىق تولەمدەرسىز, كوميسسياسىز جانە كەپىلدىك تولەمسىز 6% -بەن 10 جىلعا جانە 1 جىلعا دەيىنگى تولەمنەن بوساتۋ جەڭىلدىگىمەن بەرىلەدى.
اۋىل شارۋاشىلىعىن قارجىلاي قولداۋ قورى «ەڭبەك» باعدارلاماسى بويىنشا نەسيەلىك وتىنىمدەردى قاراۋ مەرزىمىن 11 كۇننەن 4 كۇنگە دەيىن قىسقارتتى. بيىل اۋىل بيزنەسى شامامەن 42 ملرد تەڭگەگە قارجىلاندىرىلادى.
ءوز كەزەگىندە ازىق-ت ۇلىك كەلىسىم شارت كورپوراتسياسى ادىلەت مينيسترلىگىندە 2020 جىلعا ارنالعان اۋىلشارۋاشىلىق ونىمدەرىن فورۆاردتى ساتىپ الۋ ەرەجەلەرىن تىركەگەنىن حابارلادى.
قارجى ۇيىمدارىنىڭ مەنەدجەرلەرىنەن كەيىن, قازاقستان فەرمەلەر وداعىنىڭ وكىلى ءسوز الدى. قانات سۇلەيمەنوۆ فەرمەرلەردىڭ كەپىلدىگىن تومەن باعالاۋدىڭ قيىندىعىن ايتتى. وسىعان بايلانىستى ءمينيستردىڭ ءبىرىنشى ورىنباسارى ايداربەك ساپاروۆ اۋىل شارۋاشىلىعى ءمينيسترى ساپارحان وماروۆتىڭ تاپسىرماسىمەن كەپىل زات ساياساتى قايتا قارالعانىن جەتكىزدى. ەندى فەرمەرلەردىڭ كەپىلدىگى ماكسيمالدى دەڭگەيدە باعالاناتىن بولادى.
«قازىرگى توتەنشە جاعدايدا فەرمەرلەر بارلىق قاجەتتى زاتتارمەن قامتاماسىز ەتىلۋى كەرەك, سوندىقتان وبلىستاردىڭ اكىمدىكتەرى مەن «قازاگرو»ۇبح «قاراپايىم زاتتار ەكونوميكاسى» باعدارلاماسى بويىنشا بولىنگەن قاراجاتتى ەسكەرە وتىرىپ, كوكتەمگى دالا جۇمىستارىنا ۋاقتىلى دايىندالۋ جانە ساپالى بولۋ ءۇشىن بارلىق شارالاردى قابىلداۋى قاجەت. ميكروكرەديت بەرۋ جانە نەسيەلەردى كەپىلدەندىرۋدىڭ جاڭا قۇرالىن ەنگىزۋ ماسەلەلەرىن ەرەكشە باقىلاۋعا الىپ, سونىمەن قاتار اۋىلشارۋاشىلىق ونىمدەرىن فورۆاردتى تۇردە ساتىپ الۋدى ءتيىستى تۇردە جۇزەگە اسىرىپ قامتاماسىز ەتۋ كەرەك», - دەپ اتاپ ءوتتى ا. ساپاروۆ.