قابىلداۋ بارىسىندا جۇمىسقا قايتا ورنالاسۋ, كاسىپكەرلەرگە ارنالعان گرانت الۋ, اۋداندا مەديتسينالىق مەكەمە اشۋ ماسەلەلەرى كوتەرىلدى. ماسەلەلەر باقىلاۋعا الىندى. ەلوردا اكىمى التاي كولگىنوۆ كەزەكتى رەت ازاماتتاردى ونلاين-فورماتتا قابىلدادى.
ەلوردانىڭ گاۋھار ەسىمدى تۇرعىنى بۇرىن ونى زاڭسىز جۇمىستان شىعارعاندىقتان كومەككە جۇگىندى. اكىمدىك ارالاسقاننان كەيىن ايەل ادامدى جۇمىسقا قايتا العان. ءوندىرىس (بايقوڭىر اۋدانى) ەلدى-مەكەنىنىڭ تۇرعىنى قارلىعاش نابيۋللينا قاردى ۋاقىتىلى تازالاپ, تۇرعىنداردىڭ بىرقاتار سۇراقتارىن شەشكەنى ءۇشىن العىسىن ءبىلدىردى.
ء«بىزدىڭ ەلدى-مەكەندى كوكتەم سايىن سۋ باساتىن. بيىل قاردىڭ ءۇش ەسە كوپ بولعانىن ەسكەرە وتىرىپ, سۋ باسادى دەپ ويلادىق. الايدا, كوممۋنالدىق قىزمەتكەرلەر مەن اكىمدىكدىڭ تاۋلىك بويى جۇمىس ىستەۋىنىڭ ارقاسىندا ۇيلەردى سۋ باسقان جوق. ءبىز كوتەرگەن باسقا ماسەلەلەر دە شەشىلدى. قازىر ءبىزدىڭ اۋدانداعى اپاتتى جاتاقحانانى بۇزۋ ماسەلەسىن شەشۋ قالدى», - دەدى قارلىعاش ءنابيۋللينا.
ەلوردا اكىمى التاي كولگىنوۆ تج جانە كارانتين رەجيمىن ەنگىزگەننەن باستاپ 80-گە جۋىق ادامدى ونلاين قابىلداسا, جىل باسىنان بەرى 400 ادامدى قابىلدادى. ماسەلەلەردىڭ باسىم بولىگى شەشىلدى. ولاردىڭ قاتارىندا قوسىمشا ءبىلىم الۋ, جۇمىسقا ورنالاسۋعا كومەك كورسەتۋ, مەديتسينالىق كومەك الۋ, ازىق-ت ۇلىك سەبەتى, قورعانىس قۇرالدارى جانە ت.ب. الەۋمەتتىك كومەك كورسەتۋ.