نۇر-سۇلتاندا جكۋ شامدارىن ء(ناتريلى شاممەن) قازىرگى زامانعى ەنەرگيا ۇنەمدەيتىن جارىقديودتى شامدارعا اۋىستىرۋ بويىنشا جۇمىس جۇرگىزىلۋدە. ماماندار اتاپ وتكەندەي, ولار ۇزاق جانە ۇنەمدى قىزمەت ەتىپ, ەلەكتر ەنەرگياسىن از جۇمساۋعا مۇمكىندىك بەرەدى. بۇل تۋرالى قالا اكىمدىگىنىڭ رەسمي سايتى حابارلادى.
«بۇل شامدار ەلەكتر ەنەرگياسىن ۇنەمدەۋگە مۇمكىندىك بەرەدى جانە ولار قاراپايىم شامدارعا قاراعاندا الدەقايدا جارىق بولادى. ۇنەمدىلىگى – 35-40%. سونداي-اق ولار جولداردى اۆتوكولىك جۇرگىزۋشىلەرى ءۇشىن نەعۇرلىم جارىق جانە قاۋىپسىز ەتەدى. بۇل جاياۋ جۇرگىنشىلەر ءۇشىن دە ىڭعايلى. ەگەر قالادا 47 مىڭ جارىق نۇكتەلەرى بولسا, بيىل 10 مىڭىن اۋىستىرۋ جوسپارلانعان», – دەپ اتاپ ءوتتى قالا اكىمىنىڭ ورىنباسارى التىنبەك قايساعاليەۆ.
سونداي-اق ەلوردادا اۋلالاردى جانە قوعامدىق كەڭىستىكتەردى اباتتاندىرۋ بەلسەندى جۇرگىزىلۋدە. بيىل 150 اۋلا مەن 50 قوعامدىق كەڭىستىك (ساياباقتار, سكۆەرلەر) اباتتاندىرىلادى.