تاراپتار قازاق-يران قاتىناستارىنىڭ قازىرگى احۋالى مەن دامۋ پەرسپەكتيۆالارىن, سونىڭ ىشىندە ساۋدا-ەكونوميكالىق ىنتىماقتاستىقتى نىعايتۋ ماسەلەلەرىن تالقىلادى. بۇل تۋرالى اقوردانىڭ ءباسپاسوز قىزمەتى حابارلادى.
حاسان رۋحاني يران تاراپىنىڭ قازاقستانمەن تاۋار اينالىمىن ارتتىرۋعا مۇددەلى ەكەنىن اتاپ ءوتىپ, «قازاقستان-تۇرىكمەنستان-يران» تەمىر جولىنىڭ, سونداي-اق, كاسپي تەڭىزى ارقىلى وتەتىن ءمۋلتيمودالدى دالىزدەردىڭ الەۋەتىن ءتيىمدى پايدالانۋدىڭ وزەكتىلىگىنە توقتالدى.
وسى ورايدا يران تاراپى جۇك تاسىمالىن ۇلعايتۋ ماقساتىندا اتالعان كولىك باعىتتارىنىڭ باسەكەگە قابىلەتتىلىگىن ارتتىرۋ ءۇشىن بىرلەسكەن جۇمىستاردىڭ ماڭىزدى ەكەنىن جەتكىزدى.
قاسىم-جومارت توقاەۆ ەكىجاقتى ەكونوميكالىق بايلانىستاردى جانداندىرۋدىڭ ناقتى شارالارىن ۇكىمەتتەر دەڭگەيىندە ازىرلەۋدى ۇسىندى.
مەملەكەتتەردىڭ COVID-19 ىندەتىنە قارسى كۇرەسكە قاتىستى قابىلداعان شارالارىنا ەرەكشە نازار اۋدارىلدى.
يران پرەزيدەنتى ىندەتتىڭ تارالۋىن بولدىرماۋ جونىندەگى قازاقستان باسشىلىعىنىڭ قابىلداعان شەشىمدەرى مەن اتقارعان ءىس-قيمىلدارىن, سونداي-اق, حالىق اراسىندا كەڭ اۋقىمدا جۇرگىزىلگەن كوروناۆيرۋستى انىقتاۋ جۇمىستارىن جوعارى باعالادى.
اڭگىمە سوڭىندا حاسان رۋحاني قاسىم-جومارت توقاەۆتى تەگەرانعا رەسمي ساپارمەن كەلۋگە شاقىردى.