جالاعاش اۋدانى جاستارىنىڭ «تەمىرقازىق» قوعامدىق بىرلەستىگى مەن اۋداندىق پروباتسيا قىزمەتى ەسەبىندە تۇرعان ازاماتتار اراسىنان ەرىكتىلەر توبى قۇرىلىپ, ءوز قاراجاتتارى ەسەبىنەن زەينەتكەردىڭ باسپاناسىن شاتىرلاپ بەردى. بۇل تۋرالى جالاعاش اۋداندىق پروباتسيا قىزمەتى ماماندارى حابارلايدى.
قىس-كوكتەم ايلارىندا شاتىرسىز باسپانانىڭ توبەسىنەن سۋ كەتىپ, قابىرعاسى سىز تارتىپ, زەينەتكەر قاتتى قينالعان ەكەن. جالعىزباستى جاننىڭ جاعدايىن ەستىگەن جەرگىلىكتى جاستار دەرەۋ ىسكە كىرىستى. قاجەتتى زاتتاردى ساتىپ الىپ, شاتىر سالىپ, ساۋابى مول ءىس تىندىردى.
جاستاردىڭ جاردەمىنە ريزا بولعان زەينەتكەر قيىن ساتتە كومەك قولىن سوزعاندارعا العىسىن جەتكىزدى.