قازالى اۋدانىنىڭ ورتالىعى ايتەكە بي كەنتىندەدەگى «الپامىس» بالاباقشاسىنىڭ ۇجىمى سۋ تاسقىنىنان زارداپ شەككەن ماقتاارال اۋدانىنىڭ تۇرعىندارىنا قارجىلاي كومەك كورسەتتى.
ەلميرا نۇرماعامبەتوۆا باسشىلىق جاسايتىن بالاباقشا ۇجىمى قاسيەتتى رامازان ايىندا ارنايى اشىلعان ەسەپ شوتقا قارجى اۋداردى.
قايىرىمدىلىق شاراسىنان بالاباقشانىڭ اتا-انالارى دا قالىس قالماپتى. ساۋاپتى ىسكە ولار دا ءوز ۇلەستەرىن قوسقان.
كوپ ۇزاماي بالاباقشا ۇجىمىنا جەتىساي اۋداندىق «زەكەت قورىنىڭ» جەتەكشىسى نۇرقازى نالىباەۆ قاراجاتتىڭ ءبىر بولىگىنە جەتىساي قالاسىنداعى №119 مەكتەپتە ورنالاسقان مۇقتاج وتباسىلارعا ازىق-ت ۇلىك پەن بالالارعا قاجەتتى زاتتار الىپ بەرىلگەنىن ايتقان. بۇل جەردە ماقتاارال اۋدانىنا قاراستى ورگەباس جانە جەڭىس اۋىلىنىڭ تۇرعىندارى جايعاسقان.
ال قاراجاتتىڭ قالعان بولىگىنە تاعى دا تۇرعىندارعا قاجەتتى زاتتار الىنىپ, بالاباقشا ۇجىمىنىڭ اتىنان جەتىسايداعى ازىق-ت ۇلىك قويماسىنا تاپسىرىلعان.