قايىرىمدىلىق پەن قامقورلىق – قازاقتىڭ قانىندا بار قاسيەت. ءبىر جاعادان باس, ءبىر جەڭنەن قول شىعارا بىلگەن ۆولەنتەرلەر جۇدىرىقتاي جۇمىلىپ, ەل-جۇرتىنىڭ جانىنان تابىلۋدا. ارىستاعى اۋىر كۇندەردە العى شەپتە جۇرگەن ولار توتەنشە جاعداي كەزىندە دە بەلسەندى قىزمەت اتقاردى. ەندى مىنە, تۇركىستان وڭىرىندە توپان سۋ زاردابىن شەككەن اعايىندارعا كومەك قولىن سوزىپ, جاقسى ىستەردىڭ باسى-قاسىندا ءجۇر.
ماڭعىستاۋ وبلىسىندا توتەنشە جاعداي كەزىندە ۆولونتەرلەر كورپۋسى اتقارعان جۇمىس الۋان. الدىمەن قۇرامىندا 15 ۆولونتەر بار جەدەل قىزمەت كورسەتەتىن ۆولونتەرلىك شتاب قۇرىلىپ, ءوز جۇمىسىن ءۇش باعىتتا جۇرگىزۋدى قولعا الدى.
جالپى, ۆولونتەرلىك توپتار مەن قايىرىمدىلىق ۇيىمدار وبلىس تۇرعىندارىنا كوروناۆيرۋستان قورعانۋ, توتەنشە جاعداي رەجىمىندەگى قاۋىپسىزدىك شارالارىن ساقتاۋ, كارانتيندە قيىن جاعدايعا تاپ بولعان الەۋمەتتىك جاعىنان وسال توپتاعى ازاماتتارعا قولداۋ كورسەتۋ باعىتىندا اۋقىمدى جۇمىس اتقارۋدا.
ءبىرىنشى, اقپاراتتىق جۇمىس باعىتىندا ازاماتتاردى توتەنشە جاعداي كەزىندەگى قاۋىپسىزدىك ەرەجەلەرى مەن ءىس-قيمىلدار, كوروناۆيرۋستان قورعانۋ تۋرالى اقپاراتتاندىرۋ, قالا تۇرعىندارىنا ارنالعان اقپاراتتىق ينفوگرافيكا ازىرلەۋ جانە ونى تاراتۋ, ياعني بەتپەردە تىگۋشىلەر تۋرالى, جەتكىزۋ قىزمەتى بار مەيرامحانالار مەن ءدارىحانالار تۋرالى اقپارات بەرۋ جولعا قويىلدى. اقتاۋ قالاسى تۇرعىندارىنا مىڭنان اسا جادىناما تاراتىلىپ, ايالدامالار مەن اقپاراتتىق تۋمبالارعا, تۇرعىندار كوپ شوعىرلانعان ورىنداردا 300-گە جۋىق اقپاراتتىق پاراقشالار جاپسىرىلدى. ەكىنشى, باعىت بويىنشا جيىرما كۇن ىشىندە ماڭعىستاۋلىق ۆولونتەرلەر كورپۋسى 17 ازاماتقا ادرەستىك كومەك كورسەتىپ ۇلگەردى.
– وڭىردە ارنايى شەكتەۋلەر قويىلعاندىقتان, ءۇي كارانتينىندە جاتقان ازاماتتارمەن بايلانىس ورناتىلدى. سونىمەن قاتار كوروناۆيرۋسقا قاتىستى ساۋالدار بويىنشا بايلانىس ورتالىعىنىڭ وپەراتورلارىندا بايلانىس ءنومىرىمىز بار. بىزبەن بايلانىسقان ماسەلەلەردىڭ وزەكتىلىگىنە بايلانىستى ازاماتتاردى اۋدان جانە قالا call-ورتالىقتارىمەن بايلانىستىرۋدامىز. ۆولونتەرلەر Nur Otan پارتياسىنىڭ «Birgemiz» اكتسياسىندا كورسەتىلىپ جاتقان الەۋمەتتىك كومەكتى ازاماتتارعا جەتكىزۋ جۇمىسىنا جۇمىلدىرىلعان. بۇگىندە ءبىزدىڭ ۆولونتەرلەردىڭ كومەگىمەن 944 ازاماتقا الەۋمەتتىك كومەك كورسەتىلدى.
ايتا كەتۋ كەرەك, بارلىق جۇمىسىمىز جەرگىلىكتى اكىمدىك كەلىسىمىمەن عانا, كارانتين ەرەجەسى ساقتالىپ جۇرگىزىلۋدە. بارلىق باستاماشىل توپتى ورتاق ەرەجەنى قاتاڭ ساقتاۋعا شاقىرامىز, دەيدى ماڭعىستاۋ وبلىسى جاستار رەسۋرستىق ورتالىعىنىڭ باسشىسى ابىلاي فازىلبەك ۇلى.
وڭىردە ءساۋىر ايىنان باستاپ احمەت بايتۇرسىن ۇلى اتىنداعى ءبىلىم اكادەمياسىنىڭ ۇيىمداستىرۋىمەن «بىرگەمىز: ءبىلىم» جوباسى باعىتتارىنىڭ ءبىرى – اۋىلدىق جەردەگى الەۋمەتتىك جاعىنان وسال توپقا جاتاتىن ءبىتىرۋشى تۇلەكتەرگە ارنالعان ۇبت-عا دايىندىق كۋرسى باستاۋ الدى. ماڭعىستاۋ وبلىسىندا جۇزەگە اسىرىلاتىن «بىرگەمىز: ءبىلىم» جوباسىنا ۆولونتەرلىك قولداۋ كورسەتۋ ماقساتىنداعى كۋرسقا وبلىس كولەمىندە 200 وقۋشى ىرىكتەلىپ الىندى. الداعى ۋاقىتتا وقۋشىلار كاسىبي مامانداردىڭ كومەگىمەن مىندەتتى جانە بەيىندىك, ياعني وقۋشى تاڭداعان پاندەردەن ۆيدەوساباق الاتىن بولادى.
اتالعان جوبانى جۇزەگە اسىرۋعا ۆولونتەرلەر كورپۋسىنىڭ 20 ۆولونتەرى اتسالىسادى. ولار وقۋشىلاردىڭ ءۇي تاپسىرماسىن ۋاقتىلى ورىنداۋىن قاداعالايدى, مەنتورلىق قولداۋ كورسەتەدى ءارى بوس ۋاقىتىن ءتيىمدى وتكىزۋگە باعىتتالعان جۇمىستاردى اتقارادى.
اقتاۋداعى نەگىزگى قايىرىمدىلىق ءىس-شارالاردى ۇيىمداستىرۋشى – ء«بىز ادامبىز – ءبىز بىرگەمىز» قورى «التىن Food» سۋپەرماركەتتەر جەلىسى, «Forte Bank» اق موف, «مۇنايتەلەكوم» اق جانە ت.ب. ءوندىرىس جانە بيزنەس سۋبەكتىلەرىنىڭ قولداۋىمەن كۇندەلىكتى 35 دارىگەردى تۇسكى اسپەن, ءار سەنبى سايىن مەكەن-جايى انىقتالماعان 70 ازاماتتى ىستىق تاعاممەن قامتاماسىز ەتىپ, اقتاۋ قالاسى مەن سايىن اۋىلىنىڭ 249 وتباسىنا الەۋمەتتىك كومەك كورسەتۋدە. يگى ىستەن «اتادان ميراس» قوعامدىق قورى دا تىس قالعان جوق, ولار قالا ۆولونتەرلەرىمەن بىرىگىپ 320 مۇقتاج وتباسىنى ءبىر ايلىق ازىق-ت ۇلىكپەن قامتاماسىز ەتتى.
ال «كلۋب دوبرياكوۆ» توبى جالعىزباستى, مۇمكىندىگى شەكتەۋلى جانە كوپ بالالى وتباسى ساناتىنا جاتاتىن 230 ازاماتقا الەۋمەتتىك كومەك كورسەتىپ, كارانتيندىك زونادا قىزمەت ەتىپ جۇرگەن پوليتسيا قىزمەتكەرلەرىن ىستىق تاعاممەن قامتاماسىز ەتىپ وتىر. سونداي-اق «اقتاۋ قايىرىمدى جاندارى» توبى 30 وتباسىعا الەۋمەتتىك كومەك, 6 وتباسىعا قارجىلاي كورسەتتى.
«قوعامدىق كەلىسىم» مەكەمەسىنىڭ ۆولونتەرلەرى, كاسىپكەرلەر مەن ەتنومادەني بىرلەستىكتەر 40 وتباسىنا ازىق-ت ۇلىك, گيگيەنالىق قۇرالدارمەن قامتاماسىز ەتسە, ماڭعىستاۋ وبلىسى قازاقستان حالقى اسسامبلەياسى جانىنداعى انالار كەڭەسى اسكەري قىزمەتكەرلەرگە 300 بەتپەردە, «چوسون» ەتنومادەني بىرلەستىگى 100 بەتپەردە ۇلەستىردى.
«اتامەكەن» ۇكپ ىسكەر ايەلدەر كەڭەسى 48 وتباسىعا ازىق-ت ۇلىك, كوپ رەتتىك قولدانىلاتىن بەتپەردە مەن مەديتسينالىق جابدىقتار تابىس ەتتى.
وڭىردەگى اۋداندىق جانە قالالىق جاستار رەسۋرستىق ورتالىعىنىڭ باستاماسىمەن 49700 كوپرەتتىك بەتپەردە تىگىلىپ, الەۋمەتتىك جاعىنان از قامتىلعان ازاماتتارعا تاراتىلدى.
قيىن كەزدە دە ەل اراسىنان تابىلىپ, ولارعا قولداۋ كورسەتىپ جۇرگەن ەرىكتىلەردىڭ ەڭبەگى ەرەن. ىندەتپەن كۇرەستى اياقتاماي جاتىپ تۇركىستان وڭىرىنە گۋمانيتارلىق كومەك ۇيىمداستىرۋدى باستاپ كەتكەن ولاردىڭ ءار كۇنى قاۋىرت.
ماڭعىستاۋ وبلىسى