بۇكىلالەمدىك روللەر-سپورت پەن سكەيتبوردينگ فەدەراتسياسى (World Skate) توكيودا وتەتىن 2020 جىلعى وليمپيادا ويىندارىنىڭ شەگەرىلگەننەن كەيىن كۆاليفيكاتسيالىق كەزەڭ تۋرالى جاڭارتىلعان اقپارات ۇسىندى. بۇل تۋرالى Olympic.kz حابارلادى.
العاشقى كۆاليفيكاتسيالىق كەزەڭ كوروناۆيرۋس پاندەمياسىنا بايلانىستى وليمپيادا شەگەرىلگەننەن كەيىن توقتاتىلعان بولاتىن. 2020 جىلعا جوسپارلانعان وليمپيادا ويىندارىنىڭ ۋاقىتى 2021 جىلدىڭ 23 شىلدەسى مەن 8 تامىز ارالىعىندا وتكىزىلەتىنى ءمالىم بولعان سوڭ جارىس كۇنتىزبەسىنە وزگەرىس ەنگىزىلدى.
World Skite ناۋرىز بەن ءساۋىر ايىن وليمپياداعا ىرىكتەۋ جارىستارىن جوسپارلاۋدى قاراستىردى. ناتيجەسىندە, ەكىنشى كۆاليفيكاتسيالىق كەزەڭ 2021 جىلدىڭ 29 ماۋسىمىنا دەيىن جالعاسادى.
ايتا كەتەيىك, سكەيدبوردينگ - وليمپيادا ويىندارىنا جاڭادان قوسىلعان سپورت ءتۇرى. وليمپيادا تاريحىندا توكيو وليمپياداسىندا تۇڭعىش رەت وتەدى دەپ جوسپارلانۋدا.