سىبايلاس جەمقورلىققا قارسى ءىس-قيمىل اگەنتتىگى توقسان سايىن وسكەلەڭ ۇرپاققا پاراساتتى قوعام يدەولوگياسىن ناسيحاتتاۋ ماقساتىندا «پاراسات ساعاتى» رەسپۋبليكالىق اكتسياسىن وتكىزىپ كەلەدى. اگەنتتىك بۇل جولعى «پاراسات ساعاتى» كەزدەسۋلەرىن ونلاين فورماتتا وتكىزۋدى ءجون كورىپ وتىر.
«اكتسيا اياسىندا بۇگىن اباي قۇنانباي ۇلىنىڭ 175 جىلدىعىنا وراي ونلاين ءدارىس وتەدى. «ادالدىقتى مۇرا ەتكەن ۇلى اباي» تاقىرىبىنداعى پاراسات ساعاتىنا قوستاناي وبلىسىنىڭ 9-11 سىنىپ وقۋشىلارى, جوعارى وقۋ ورىندارى مەن كوللەدجدەردىڭ ءبىرىنشى كۋرس ستۋدەنتتەرى قاتىسادى» - دەپ حابارلادى سىبايلاس جەمقورلىققا قارسى ءىس-قيمىل اگەنتتىگى وبلىستىق دەپاترامەنتىنىڭ ءباسپاسوز قىزمەتى.
ونلاين ءدارىس بۇگىن ساعات 15.00-دە «EL ARNA» جانە «Balapan» ارنالارىندا, سونداي-اق ساعات 11.00-دە «Youtube» ارناسى مەن اگەنتتىكتىڭ جانە ونىڭ وبلىستىق دەپارتامەنتتەرىنىڭ, «Adaldyq alańy» جوبالىق كەڭسەلەرىنىڭ الەۋمەتتىك جەلىلەرى ارقىلى ەكى تىلدە تاراتىلادى.
قوستاناي وبلىسى