بيىلعى 16 مامىر كۇنى قر ءىىم مۇراجايىندا «ەرەن ەڭبەگى ەلىنە. گەنەرال قايداروۆ» اتتى كىتاپتىڭ تانىستىرىلىمى جانە ادىلەت گەنەرال-مايورى رۇستەم ەسىمحان ۇلى قايداروۆتىڭ 80 جىلدىعىنا ارنالعان ەكسپوزيتسيانىڭ سالتاناتتى اشىلۋى ءوتتى.
ر. قايداروۆ 2019 جىلدىڭ 27 جەلتوقسانىندا اۋە اپاتىنان قازا تاپقان بولاتىن. قازاقستان رەسپۋبليكاسى ءىىم-ءنىڭ ەڭبەك سىڭىرگەن ارداگەرى ءومىرىنىڭ سوڭىنا دەيىن «گەنەرالدار كەڭەسى» رقب پرەزيديۋمى توراعاسى مىندەتىن ابىرويمەن اتقاردى.
ايگىلى گەنەرالدى ەسكە الۋ شاراسىنا رۇستەم ەسىمحان ۇلىنىڭ تۋعان-تۋىستارى مەن جاقىندارى: اعاسىنىڭ جۇبايى گۇلبارشىن قايداروۆا جانە ونىڭ بالالارى ايگۇل مەن دارحان, سونداي-اق ىشكى ىستەر ورگاندارى مەن ۇلتتىق ۇلاننىڭ قازاقستاندىق ارداگەرلەر كەڭەسىنىڭ توراعاسى ومىرزاق بولسامبەكوۆ باستاعان ءىىو ارداگەرلەر كەڭەسىنىڭ مۇشەلەرى جانە قر ءىىم باسشىلىعى قاتىستى.
«ەرەن ەڭبەگى ەلىنە. گەنەرال قايداروۆ» كىتابى ىشكى ىستەر ءمينيسترى ەرلان تۇرعىمباەۆتىڭ قولداۋىمەن ىشكى ىستەر ورگاندارى مەن ۇلتتىق ۇلاننىڭ قازاقستاندىق ارداگەرلەر كەڭەسىنىڭ توراعاسى ميليتسيا گەنەرال-مايورى ومىرزاق بولسامبەكوۆتىڭ جالپى رەداكتسياسىمەن شىعارىلدى. رەداكتسيالىق القاعا گەنەرالدار ماحمۇد تەلەگۋسوۆ, تۇرسىن ايجۋلوۆ, نايل عالىمجانوۆ جانە بولات بايجاساروۆ قاتىستى.
كىتاپتا قايداروۆتىڭ ارىپتەستەرى مەن قىزمەتتەستەرىنىڭ ەستەلىكتەرى جيناقتالعان, سونداي-اق ءىىم مۇراجايىنىڭ مۇراعاتتىق ماتەريالدارى مەن فوتوسۋرەتتەرى بەرىلدى.
ء«بىز بۇگىن گەنەرال رۇستەم قايداروۆقا قۇرمەت كورسەتۋ ءۇشىن جينالىپ وتىرمىز. رۇستەم ەسىمحان ۇلى 1940 جىلى 18 مامىردا دۇنيەگە كەلدى. ميليتسيانىڭ قاتارداعى قىزمەتكەرىنەن گەنەرالعا دەيىن جول ءجۇرىپ ءوتتى. ول قاتارداعى ميليتسيا قىزمەتكەرىنەن گەنەرالعا دەيىنگى قيىن جولداردان ءوتتى. قازاقستاننىڭ زاڭ عىلىمىنىڭ دامۋىنا, جاس تاۋەلسىز قازاقستاننىڭ قۇقىق قورعاۋ جۇيەسىن جانە ونىڭ قۇقىقتىق بازاسىن قۇرۋعا, پوليتسيا كادرلارىن قالىپتاستىرۋعا زور ۇلەس قوستى. ونىڭ سەرىكتەستەرى ايتقانداي, ر. قايداروۆ ەڭ قيىن جاعدايلاردا, اسىرەسە ادامداردىڭ تاعدىرىنا قاتىستى ماسەلەلەردە دۇرىس شەشىم تابا ءبىلدى. قۇرمەتتى دەمالىستا ءجۇرىپ, قوعامدىق ومىرگە بەلسەندى قاتىستى, قازاقستاندىق پوليتسيانىڭ جاس تولقىنىن پاتريوتتىق رۋح جانە ادامگەرشىلىككە تاربيەلەۋ, ۇرپاقتار ساباقتاستىعىن جالعاستىرۋ باعىتىندا اياڭباي تەر توكتى», دەپ اتاپ ءوتتى ىشكى ىستەر ءمينيسترىنىڭ ورىنباسارى الەكسەي كالايچيدي.
بۇدان سوڭ ءسوز العان ىشكى ىستەر ورگاندارى مەن ۇلتتىق ۇلاننىڭ قازاقستاندىق ارداگەرلەر كەڭەسىنىڭ توراعاسى ميليتسيا گەنەرال-مايورى ومىرزاق بولسامبەكوۆ: «قۇقىق قورعاۋ ورگاندارىنىڭ جىلناماسىنا گەنەرال رۇستەم ەسىمحان ۇلى قايداروۆتىڭ ەسىمى التىن ارىپتەرمەن جازىلدى. وكىنىشكە وراي, ول بۇگىن ءبىزدىڭ ارامىزدا جوق. اسىل ازامات ءتىرى بولعاندا 2020 جىلدىڭ 18 مامىرى كۇنى 80 جاسقا تولار ەدى…
رۇستەم ەسىمحان ۇلى بۇكىل سانالى عۇمىرىن تۋعان حالقىنا قىزمەت ەتۋگە ارناعان تالانتتى, تالمايتىن ەڭبەكقور جان رەتىندە ەل ەسىندە قالدى. ول ىشكى جان دۇنيەسى باي, رۋحى جوعارى, قىزمەت تارتىبىنە بەرىك ادام ەدى. ناعىز گەنەرال تۋرالى, ىشكى ىستەر ورگاندارىنىڭ كوپتەگەن ۇرپاقتارىنىڭ تالىمگەرى جايلى جىلى ەستەلىك ءبىزدىڭ جۇرەگىمىزدە ماڭگىلىككە ساقتالادى, ونىڭ داڭقتى ءومىر جولى تۋرالى مۇراجاي ەكسپوناتتارى مەن كىتاپتارى كەلۋشىلەرگە كەڭىنەن سىر شەرتەرى ءسوزسىز», دەدى.
ايتا كەتۋ كەرەك, ءىىم-مەن بىرگە الماتى قالاسى پوليتسيا دەپارتامەنتى, شىعىس قازاقستان وبلىسى سەمەي قالاسى پوليتسيا باسقارماسى, قاراعاندى وبلىسى جەزقازعان قالاسى پوليتسيا باسقارماسىنداعى مۇراجايلاردا گەنەرال تۋرالى ەستەلىك بۇرىشى سالتاناتتى تۇردە اشىلدى. بۇل ءوز كەزەگىندە جاس وفيتسەرلەرگە پاتريوتيزم مەن ەرلىكتىڭ جارقىن ۇلگىسىنە اينالارى ءسوزسىز.