«جاس ۇلان» بىرىڭعاي بالالار مەن جاسوسپىرىمدەر ۇيىمى ۆولونتەرلىك جوبالار بويىنشا شاعىن گرانتتار بايقاۋىن ۇيىمداستىرۋدا. ۆولونتەرلىك جۇمىستار ەكولوگيانى جاقسارتۋ جانە تاريحي مۇرانى ساقتاۋدى كوزدەيدى.
بايقاۋ ەكى باعىت بويىنشا وتەدى. العاشقىسى ەكولوگيالىق اعارتۋ, كوگالداندىرۋ, وزەندەر مەن كولدەردى تازالاۋ, جانۋارلاردى قورعاۋ جۇمىستارىن قامتيتىن ۆولونتەرلىك جوبالار. ەكىنشىسى تاريحي-مادەني مۇرالاردى جانداندىرماق. رەسپۋبليكا بويىنشا ۇزدىك دەپ تانىلعان 68 جوبا يەگەرى 300 مىڭ تەڭگەلىك گرانتقا يە بولىپ, باعدارلاماسىن جۇزەگە اسىرۋعا مۇمكىندىك الادى.
– وبلىس بويىنشا وتىنىمدەردى جيناپ جاتىرمىز. 18 جاستان اسقان ازاماتتار جوبالارى بولسا قاتىسا الادى. ءۇي جاعدايىندا ءارتۇرلى اعاشتاردى نەمەسە وسىمدىكتەردى وتىرعىزۋ, وعان قاجەتتى زاتتاردى ساتىپ الۋ جوبا شىعىندارىنا سايكەس كەلەدى,–دەيدى «جاس ۇلان» بىرىڭعاي بالالار مەن جاسوسپىرىمدەر ۇيىمىنىڭ ءتورايىمى ءمانسيا ەسەكەەۆا.
كامەلەت جاسقا تولماعاندار جوباعا جەتەكشى ۇستازدارىمەن قاتىسا الادى. بايقاۋ 23 مامىرعا دەيىن جالعاسادى. ايتا كەتەيىك ءوتىنىش بەرۋشىلەر Qazvolonteer.kz پلاتفورماسىنا تىركەلگەن بولۋى ءتيىس. ال, وتىنىمدەر جوبا تاقىرىبىنا قاراي ارنايى ەلەكتروندى پوچتالار ارقىلى قابىلدانادى.