قىزىلوردا وبلىسىندا بۇگىننەن باستاپ كارانتيندىك شارالارعا وزگەرىس ەنەدى. بۇل تۋرالى وڭىرلىك كوممۋنيكاتسيالار قىزمەتىندە وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى ءاليا ابدىقايىموۆا مالىمدەدى.
– ەپيدەميولوگيالىق احۋالدى ەسكەرە وتىرىپ, كەزەڭ-كەزەڭىمەن سالالار مەن مەكەمەلەردى جۇمىسقا قوسۋدامىز. قىزمەت بارىسىندا سانيتارلىق-دەزينفەكتسيالىق شارالارى قاتاڭ ساقتالىپ, جۇمىس بارىسى شەكتەۋلى ۋاقىتقا عانا رۇقسات ەتىلەدى.
ءتورتىنشى كەزەڭدە, ياعني 18 مامىردان باستاپ ىسكە قوسىلاتىن نىساندار قاتارى ارتىپ وتىر. ولار لومباردتار, ازىق-ت ۇلىك ەمەس دۇكەندەر, بازارلار, قوعامدىق تاماقتانۋ ورىندارى, مەن قوناق ۇيلەر. سونىمەن قاتار, اۆيا, تەمىرجول كاسسالارى, ءدىني قۇلشىلىق جاساۋ ورىندارى دا جۇمىس ىستەي باستايدى, - دەدى ءاليا ابىقايىموۆا.
بۇل نىساندار تەك شەكتەۋلى ۋاقىتتا عانا قىزمەت ەتەتىن بولادى. سونداي-اق, ازىق-ت ۇلىك ساتاتىن دۇكەندەردىڭ جۇمىس ۋاقىتى 10.00-22.00 ارالىعى بولىپ بەلگىلەندى. ال تۇرعىندار قالاىشىلىك تاكسي قىزمەتىن 07.00-23.00 ارالىعىندا پايدالانا الادى.