VII حالىقارالىق نەمىس مادەنيەتى فەستيۆالى بەس كۇن بويى ءوتتى
فەستيۆالدىڭ اتىن قازاقشاعا اۋدارعاندا «رۋحتانۋ» دەگەن ۇعىمدى بىلدىرەدى. راسىندا, قازاقستاننىڭ وبلىستارىنان, رەسەيدەن جانە وبلىس اۋداندارىنان كەلگەن نەمىس حالقىنىڭ وكىلدەرى فەستيۆال اياسىندا ءوز حالقىنىڭ ءان-ءبيىن تىڭداپ, حالىقتىڭ عاجايىپ قولونەرىن, وسى زامانعى سۋرەتشىلەر شىعارمالارىن تاماشالاپ, باستاۋىن تەرەڭنەن الاتىن كاۋسار بۇلاقتان سۋسىنىن قاندىرعانداي اسەردە بولدى. زاماننىڭ قيىن جىلدارى ۆولگا بويىنان ەرىكسىز كوشىرىلگەن نەمىس حالقى قازاقستاندى ەكىنشى وتانىم دەپ بىلەدى. ەڭبەكقور حالىق ەلىمىزدىڭ گۇلدەنۋىنە ۇلەس قوسۋمەن قاتار, بارلىق قۋانىشتى وتانداستارىمەن, كەڭقولتىق قازاق حالقىمەن بىرگە ءبولىسىپ كەلەدى. 90-جىلدارى نەمىس دياسپوراسى وكىلدەرىنىڭ كوپشىلىگى ءوزىنىڭ تاريحي وتانى گەرمانياعا قونىس اۋداردى. دەگەنمەن, قازىر قازاقستاندا 180 مىڭداي نەمىس حالقىنىڭ وكىلى تۇرادى. ولاردىڭ 30 مىڭنان استامى قوستاناي جەرىنىڭ سۋىن سۋلاپ وتىر.
VII حالىقارالىق نەمىس مادەنيەتى فەستيۆالى بەس كۇن بويى ءوتتى
فەستيۆالدىڭ اتىن قازاقشاعا اۋدارعاندا «رۋحتانۋ» دەگەن ۇعىمدى بىلدىرەدى. راسىندا, قازاقستاننىڭ وبلىستارىنان, رەسەيدەن جانە وبلىس اۋداندارىنان كەلگەن نەمىس حالقىنىڭ وكىلدەرى فەستيۆال اياسىندا ءوز حالقىنىڭ ءان-ءبيىن تىڭداپ, حالىقتىڭ عاجايىپ قولونەرىن, وسى زامانعى سۋرەتشىلەر شىعارمالارىن تاماشالاپ, باستاۋىن تەرەڭنەن الاتىن كاۋسار بۇلاقتان سۋسىنىن قاندىرعانداي اسەردە بولدى. زاماننىڭ قيىن جىلدارى ۆولگا بويىنان ەرىكسىز كوشىرىلگەن نەمىس حالقى قازاقستاندى ەكىنشى وتانىم دەپ بىلەدى. ەڭبەكقور حالىق ەلىمىزدىڭ گۇلدەنۋىنە ۇلەس قوسۋمەن قاتار, بارلىق قۋانىشتى وتانداستارىمەن, كەڭقولتىق قازاق حالقىمەن بىرگە ءبولىسىپ كەلەدى. 90-جىلدارى نەمىس دياسپوراسى وكىلدەرىنىڭ كوپشىلىگى ءوزىنىڭ تاريحي وتانى گەرمانياعا قونىس اۋداردى. دەگەنمەن, قازىر قازاقستاندا 180 مىڭداي نەمىس حالقىنىڭ وكىلى تۇرادى. ولاردىڭ 30 مىڭنان استامى قوستاناي جەرىنىڭ سۋىن سۋلاپ وتىر.
– قازىر قازاقستاننىڭ گۇلدەنۋىنە ۇلەس قوسىپ وتىرعان ءبىر اتانىڭ بالالارىنداي تاتۋ-ءتاتتى ءتۇرلى ۇلت وكىلدەرى اراسىندا نەمىستەردىڭ ورنى ەرەكشە. ولار ەكونوميكا, الەۋمەتتىك سالا, عىلىم, سپورت, مادەنيەت سالالارىندا تەر توگىپ كەلەدى. وبلىس اكىمىنىڭ كەڭەسشىسى, بەلگىلى ازامات ۆيكتور ۆيكتوروۆيچ مەيستەردى, بۇرىنعى سەناتور, قازىر وبلىس اكىمىنىڭ ءبىرىنشى ورىنباسارى ەۆگەني يوسيفوۆيچ اماندى, بەلگىلى كاسىپكەر ۆاسيلي سامۋيلوۆيچ روزينوۆتى, شارۋاشىلىق ۇيىمداستىرۋشىلار يۆان ماتۆەەۆيچ ۆيچتەيندى, نيكولاي نيكولاەۆيچ شەردى, ۆلاديمير الەكساندروۆيچ شۋللەردى جانە تاعى باسقالاردى تەك نەمىس حالقىنىڭ وكىلدەرى عانا ەمەس, بۇكىل وبلىس ماقتانىش تۇتادى, – دەدى وبلىس اكىمى نۇرالى سادۋاقاسوۆ فەستيۆالدىڭ اشىلۋ سالتاناتىندا.
وبلىستى ەكونوميكالىق-الەۋمەتتىك دامىتۋ ماقساتىندا جانە مادەني سالادا قوستاناي مەن گەرمانيا اراسىندا جاقسى قارىم-قاتىناس ورناعان. وبلىس اۋماعىندا 22 نەمىس-قازاق بىرىككەن كاسىپورنى جۇمىس ىستەيدى. وبلىستاعى جوعارى وقۋ ورىندارىنىڭ ونشاقتى ستۋدەنتى گەرمانيادا ءبىلىمىن شىڭداپ قايتتى. فەستيۆال اياسىندا دا وسىنداي بارىس-كەلىستى, الىس-بەرىستى نىعايتۋ ماقساتىندا دوڭگەلەك ۇستەل وتىرىستارى ءوتتى.
– وسىدان جيىرما جىل بۇرىنعى ۋاقىتتى ەستەرىڭىزگە الىڭىزدارشى. نەمىس حالقى وكىلدەرىنىڭ ءوز ءداستۇر-سالتى مەن مادەنيەتىنە سۋسىنداۋعا مۇمكىندىگى تۇگىل, ولارعا دۇرىس كوزقاراس تا بولماعانىن نەسىنە جاسىرامىز. ال قازىر زامان قالاي وزگەردى دەسەڭشى! وسىعان شۇكىر. قازاقستاندا ۋايىم-قايعىسىز, شات-شادىمان تۇرىپ كەلەمىز. سول ءۇشىن دە قازاقستاننىڭ باسشىلىعىنا, قازاق حالقىنا راحمەت ايتامىز, – دەدى «ۆوزروجدەنيە» قازاقستان نەمىستەرى قوعامدىق بىرلەستىكتەرى قاۋىمداستىعىنىڭ توراعاسى الەكساندر دەدەرەر.
فەستيۆالدىڭ باي باعدارلاماسى اياسىندا ءتۇرلى شارالار ءوتتى. حالىقتىڭ اراسىنان شىققان شەبەرلەر مەن كەستەشىلەر, قولونەرشىلەر ءوز تۋىندىلارىن كورەرمەنگە ۇسىندى. ۇقىپتىلىق جونىنەن الدىنا جان سالا قويمايتىن نەمىستەردىڭ كەستەسى, توقىما بۇيىمدارى جانە بيسەردەن تىزگەن اشەكەيلەرى كوزدىڭ جاۋىن الادى. كوركەمسۋرەت گالەرەياسىندا نەمىس سۋرەتشىلەرىنىڭ شىعارمالارىنان كورمە ۇيىمداستىرىلدى. فەستيۆالدا جاستار جانە شىعارماشىلىق ۇيىمدارى ليدەرلەرىنىڭ بىرىككەن ءماجىلىسى بولدى. ولار ساياسي قۋعىن-سۇرگىن قۇرباندارىنا ارنالعان ەسكەرتكىشكە گۇل شوقتارىن قويدى, جاس تالانتتار بايقاۋلارىنا قاتىستى.
– نەمىس ۇلتىنىڭ وكىلدەرى قازىر قازاقستاندا شوعىرلانىپ تۇرمايدى. سوندىقتان فەستيۆال ماقساتىنىڭ ءبىرى جاستاردى تانىستىرۋ, بىرىكتىرۋ, دوستاستىرۋ بولدى. بۇل ولارد