تج رەجيمى كەزىندە ەنەرگەتيكا مينيسترلىگى قابىلداعان شارالار

قر-دان تىس جەرلەرگە اۆتوموبيل كولىگىمەن مۇناي ونىمدەرىن اكەتۋگە تىيىم سالۋدى الىپ تاستاۋ (2020 جىلعى 10 ساۋىردەن باستاپ قولدانىلادى); كەدەن وداعى ەلدەرىنەن تىس جەرلەرگە مۇناي ونىمدەرىن ەكسپورتتاۋعا سالىنعان تىيىمدى الىپ تاستاۋ (2020 جىلعى 6 ساۋىردەن باستاپ قولدانىلادى); ەكسپورتقا ساتىلاتىن بەنزين جانە ديزەل وتىنى بويىنشا اكتسيزدەلەتىن تاۋارلاردى وندىرۋشىلەردى اكتسيز تولەۋدەن بوساتۋ (27 ناۋرىزدان 31 جەلتوقسانعا دەيىن قولدانىلادى); رف-دان قر-عا بەنزين, ديزەل وتىنى مەن اۆياتسيالىق وتىندى تەمىر جول ارقىلى تاسىمالداۋعا تىيىم سالۋ (30 ناۋرىزدان 1 شىلدەگە دەيىن قولدانىلادى); مۇناي ونىمدەرىنە, ونىڭ ىشىندە بەنزينگە, ديزەل وتىنى مەن مازۋتقا كەدەندىك اكەتۋ باجدارىنىڭ ستاۆكالارىن نولدەۋ (2021 جىلعى 1 ساۋىردەن باستاپ 1 قاڭتارعا دەيىن قولدانىلادى); قازاقستان رەسپۋبليكاسى ۇكىمەتىنىڭ قاۋلىسىمەن مۇنايدان وندىرىلەتىن تاۋارلارعا (بەنزين, اۆياتسيالىق جانە ديزەل وتىنى, مازۋت, ۆاكۋمدىق گازويلعا) باعا بەلگىلەۋ ءتارتىبىن بەلگىلەيتىن مۇنايدان وندىرىلەتىن تاۋارلارعا باعا بەلگىلەۋ قاعيدالارى (ادىستەمەسى) بەكىتىلدى (2020 جىلعى 15 ناۋرىزدان باستاپ 30 ماۋسىمدى قوسا قولدانىلادى).

كوكتەمگى ەگىس جۇمىستارىن جۇرگىزۋ ءۇشىن جەڭىلدەتىلگەن باعامەن 386,5 مىڭ توننا ديزەل وتىنى ءبولىندى:

مەملەكەت باسشىسىنىڭ تاپسىرماسىن ورىنداۋ شەڭبەرىندە قر ەم كوكتەمگى ەگىس جۇمىستارىن جۇرگىزۋ ءۇشىن ءبىر ليتر ءۇشىن 165 تەڭگە جەڭىلدىكتى باعامەن 386,5 مىڭ توننا ديزەل وتىنىن ءبولدى (ججم ستانتسياسىنداعى ديزەلدىك وتىننىڭ ورتاشا بولشەك باعاسى ءبىر ليتر ءۇشىن 188 تەڭگەنى قۇرايدى). بۇل شارا كوكتەمگى ەگىس جۇمىستارىن تۇراقتى جۇرگىزۋگە باعىتتالعان.

اۆتوكولىك جۇرگىزۋشىلەرى ءۇشىن سۇيىتىلعان گازعا شەكتى باعالار بەلگىلەندى:

ەنەرگەتيكا مينيسترلىگى وبلىس اكىمدىكتەرىمەن بىرلەسىپ, بارلىق 2165 اۆتوگاز قۇيۋ ستانتسيالارىنىڭ ەڭ تومەنگى جانە ەڭ جوعارعى باعاسىنا تالداۋ جاسادى. ونىڭ قورىتىندىسى بويىنشا ەنەرگەتيكا مينيسترلىگىنىڭ 03.04.2020 ج. № 125 جانە ۇلتتىق ەكونوميكا مينيسترلىگىنىڭ 03.04.2020 ج. № 22 بىرلەسكەن بۇيرىعىمەن اۆتوگاز قۇيۋ ستانتسيالارىندا اۆتوكولىككە قۇيۋعا ارنالعان سۇيىتىلعان مۇناي گازىن بولشەك ساۋدادا وتكىزۋدىڭ شەكتى باعالارى بەلگىلەندى. جالپى, قازاقستاندا سۇيىتىلعان مۇناي گازىنىڭ ورتاشا باعاسى 8% - عا تومەندەدى (تج كەزىندە قولدانىلدى).

جەر قويناۋىن پايدالانۋشىلار وتاندىق وندىرۋشىلەردەن تاۋارلاردى كونكۋرستىق راسىمدەرسىز ساتىپ الۋ مۇمكىندىگىنە يە بولدى:

 - بۇل شارا جەر قويناۋىن پايدالانۋشىلارعا ەكى ايعا دەيىن سوزىلاتىن كونكۋرستىق راسىمدەرسىز قازاقستاندىق وندىرۋشىلەردەن تاۋارلاردى ءبىر كوزدەن ساتىپ الۋعا مۇمكىندىك بەردى. بۇل قازاقستاندىق كومپانيالاردىڭ ۇزدىكسىز جۇمىسىن جانە بيۋدجەتكە سالىقتاردىڭ ءتۇسۋىن قامتاماسىز ەتۋگە مۇمكىندىك بەردى (توتەنشە جاعداي رەجيمى كەزىندە قولدانىلدى, قازىرگى ۋاقىتتا مينيسترلىك وسى نورمانى ودان ءارى ۇزارتۋ بويىنشا جۇمىس جۇرگىزۋدە).

تۇتىنۋشىلار تاراپىنان كوممۋنالدىق قىزمەتتەرگە اقى تولەۋ مەرزىمدەرىنىڭ بۇزىلۋىنا بايلانىستى ەنەرگەتيكالىق كاسىپورىنداردا بىرقاتار پروبلەمالاردىڭ تۋىنداۋ تاۋەكەلدەرىن بولدىرماۋ ءۇشىن يندۋستريا جانە ينفراقۇرىلىمدىق دامۋ, ۇلتتىق ەكونوميكا, قارجى مينيسترلىكتەرى «توتەنشە جاعداي كەزەڭىندە كوممۋنالدىق قىزمەتتەردى جەتكىزۋشىلەردىڭ شىعىندارىن وتەۋ قاعيدالارىن بەكىتۋ تۋرالى» بىرلەسكەن بۇيرىق شىعاردى.

ەنەرگيا ءوندىرۋشى ۇيىمداردا ەلەكتر ەنەرگياسىن وندىرۋگە شەكتى ءتاريفتىڭ وسۋىنە جول بەرىلگەن جوق:

2020 جىلعى 1 قاڭتاردان باستاپ ەنەرگيا ءوندىرۋشى ۇيىمداردىڭ كومىرگە (2019 جىلمەن سالىستىرعاندا ءبىر تونناسى ءۇشىن 2133 تەڭگە نەمەسە 9,9%-عا جوعارى) جانە جاڭارتىلاتىن ەنەرگيا كوزدەرىن قولداۋ جونىندەگى قارجى-ەسەپ ايىرىسۋ ورتالىعىنان ەلەكتر ەنەرگياسىن ساتىپ الۋعا (2019 جىلى 31,68 تەڭگە/كۆتساع-دان 2020 جىلى 34,62 تەڭگە/كۆتساع-عا دەيىن ءتاريفتىڭ ءوسۋى) شىعىندارى ءوستى. جوعارىدا كورسەتىلگەن فاكتىلەرگە قاراماستان, مينيسترلىك ەلدەگى توتەنشە جاعداي كەزىندە ەلەكتر ەنەرگياسىن وندىرۋگە شەكتى تاريفتەردى بەكىتىلگەن دەڭگەيدە بەلگىلەدى.

تج كەزىندە وتىن-ەنەرگەتيكا كەشەنى كاسىپورىندارىنىڭ ۇزدىكسىز جۇمىسى ۇيىمداستىرىلدى.