كەشە پرەمەر-ءمينيستردىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆ جۇمىس ساپارىمەن وڭتۇستىك قازاقستان وبلىسىنا باردى. كۇننىڭ العاشقى جارتىسىندا ءبىرىنشى ۆيتسە-پرەمەر ماقتاارال اۋدانىندا بولىپ, وندا «نۇرالىجول-ج» شارۋا قوجالىعىنداعى ماقتا, باقشالىق داقىلدار جانە جوڭىشقا ەگىستىگىمەن تانىستى.
كەشە پرەمەر-ءمينيستردىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆ جۇمىس ساپارىمەن وڭتۇستىك قازاقستان وبلىسىنا باردى. كۇننىڭ العاشقى جارتىسىندا ءبىرىنشى ۆيتسە-پرەمەر ماقتاارال اۋدانىندا بولىپ, وندا «نۇرالىجول-ج» شارۋا قوجالىعىنداعى ماقتا, باقشالىق داقىلدار جانە جوڭىشقا ەگىستىگىمەن تانىستى.
ب.ساعىنتاەۆ دىلدابەك اۋىلدىق وكرۋگىندە شاردارا سۋ قويماسىنان ماشينالىق سۋ جىبەرۋ سورعى ستانساسىن قاراپ شىقتى. ودان كەيىن ءبىرىنشى ۆيتسە-پرەمەر ماقتا جانە باقشالىق داقىلداردى, سونداي-اق, جۇزىمدىكتەر, الما باقتارىن, انار جانە باسقا دا جەمىس-جيدەك ونىمدەرىن وسىرۋمەن اينالىساتىن «قارشىعا» شارۋا قوجالىعىندا بولدى. مۇندا ول ماقتاارال اۋدانىنىڭ ماقتالى ەگىستىك القاپتارىن ءارتاراپتاندىرۋ ماسەلەلەرى جونىندە كەڭەس وتكىزدى.
وڭىردە ماقتانىڭ دارا داقىلدىعىنىڭ باسىمدىعى, ۆەگەتاتسيالىق كەزەڭدە سۋ رەسۋرستارىنىڭ تاپشىلىعى, سۋارىلاتىن جەرلەردىڭ مەليوراتيۆتىك جاي-كۇيىنىڭ ناشارلاۋىنا بايلانىستى پروبلەمالار بار ەكەندىگى بەلگىلى. اتالعان پروبلەمالاردى شەشۋ ءۇشىن 2014-2016 جىلدارعا ارنالعان ەگىستىك القاپتارىن ءارتاراپتاندىرۋ بويىنشا ءىس-قيمىلداردىڭ ەگجەي-تەگجەيلى جوسپارى ازىرلەنۋدە. ب.ساعىنتاەۆتىڭ تاپسىرماسى بويىنشا وبلىس اكىمدىگى مۇددەلى مينيسترلىكتەرمەن بىرلەسە وتىرىپ اتالعان قۇجاتتى ۇكىمەت قاراۋىنا ەنگىزەتىن بولادى.
كۇننىڭ ەكىنشى جارتىسىندا ءبىرىنشى ۆيتسە-پرەمەر شاردارا سەس-ءى جۇمىسىمەن تانىسىپ, ودان شاردارا سۋ قويماسىنىڭ ارناساي بوگەتىنە باردى. وندا ارناساي بوگەتىندەگى گيدروتەحنيكالىق قۇرىلىستار كەشەنىن قايتا جاڭارتۋ جوباسىن ىسكە اسىرۋ ماسەلەلەرى تالقىلاندى.
«ەگەمەن-اقپارات».