جاقىن كۇندەرى نۇر-سۇلتاندا 145 اۋلالاردى اباتتاندىرۋ باستالدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
قازاقستان استاناسىندا جاز كەلىسىمەن اۋلالاردى اباتتاندىرۋ باستالادى: جاڭا ويىن الاڭدارى پايدا بولادى, قولدانىستاعى ەسكىلەرى جاڭارتىلادى. ترەناجەرلار, شاعىن ساۋلەت فورمالارى ورناتىلادى. اۋداندىق اكىمدىكتەردە جاڭا ويىن الاڭدارى قاي جەرلەردە سالىناتىن جانە قانداي اباتتاندىرۋ جۇمىستارى جۇرگىزىلەتىنىن ايتىلدى.
الماتى اۋدانى: بۇل اۋداندا 387 اۋلا بار. 2020 جىلى 33 اۋلانىڭ اۋماعىن كوركەيتۋ جوسپارلانعان. قورداي كوشەسى №75 ءۇي مەن ك. ازىرباەۆ كوشەسىندەگى № 10 ءۇيدىڭ اۋلالارى 2020 جىلى اباتتاندىرۋ جۇمىستارىنىڭ جوسپارىنا ەنگىزىلدى. قوسىمشا شاعىن ساۋلەت فورمالارى مەن جاتتىعۋ قۇرالدارىن ورناتۋ ماۋسىم ايىندا باستالادى. ايناكول كوشەسىندەگى №56, 56/1, سونداي-اق ر. قوشقارباەۆ داڭعىلى بويىنداعى №45, 45/1 ۇيلەردىڭ اۋلالارىندا كەشەندى كورىكتەندىرۋ جۇمىسى جۇرگىزىلىپ, كولىك تۇراعى, سپورتتىق جانە بالالارعا ارنالعان ويىن الاڭى سالىنادى. جوندەۋ جۇمىستارىن ماۋسىم ايىندا باستاۋ جوسپارلانعان. ع.مۇستافين كوشەسىندەگى №15/2 ءۇيدىڭ اۋلاسىنداعى سپورت الاڭىنا بيىل اعىمداعى جوندەۋ جۇرگىزىلەدى.
بۇعان قوسا, ت.جۇرگەنوۆ كوشەسىندەگى №74 مەكتەپتىڭ اۋدانىندا گۇلزاردىڭ قۇرىلىسىن باستاپ, وعان شاعىن ساۋلەت فورمالارىن ورناتىپ, جاياۋ جۇرگىنشىلەرگە ارنالعان جول توسەپ, كوگالداندىرۋ كوزدەلىپ وتىر.
بايقوڭىر اۋدانى: بيىل اۋدانداعى «جاستار» شاعىن اۋدانى, اباي داڭعىلى, ا.باراەۆ, وماروۆ, وتىرار جانە ت.ب. كوشەلەردىڭ بويىنداعى 50 اۋلانى اباتتاندىرۋ جوسپارلانعان. جوباعا سايكەس بالالارعا ارنالعان ەكى ورىندىق اتكەنشەك, سەرىپپەلى تەربەتكىشتەر, قۇم سالعىش, سپورتتىق جاتتىعۋ قۇرالدارى, شاعىن ساۋلەت فورمالارىن ورناتىلادى. اۋدان اۋماعىندا 235 اۋلا بار, بۇگىندە ونىڭ 67-ءسىن جاڭارتۋ قاجەت. اعىمداعى جىلى 67-ءنىڭ 50 اۋلاسىن جوندەۋ كوزدەلىپ وتىر.
ەسىل اۋدانى: اۋداندا 399 اۋلا بار. بيىل 22-ءسى اباتتاندىرىلىپ, ادامدار ءۇشىن قاۋىپسىز جانە سەرتيفيكاتتالعان شاعىن ساۋلەت فورمالارى ورناتىلادى. قوعامدىق كەڭىستىك اياسىندا ءبىر اۋماقتا جانە 20 اۋلادا ءبىر ويىن الاڭىن جابدىقتاۋ جوسپارى بار.
سارىارقا اۋدانى: بۇل اۋداندا 540 اۋلا بار. 2020 جىلى 40 اۋلانىڭ اۋماعىن كوركەيتۋ جوسپارلانعان. اۋداندا بارلىعى 540 بالالار الاڭى بولسا, ونىڭ 10% جاڭارتۋ قاجەت. قازىرگى كۇنى اۋدانداعى اۋلالاردى اباتتاندىرۋ قىزمەتىن كورسەتۋ بويىنشا مەملەكەتتىك ساتىپ الۋلار بايقاۋىن وتكىزۋگە دايىندىق