جەتىمدەر مەن ولاردى اسىراپ الۋشىلارعا, تاربيەلەۋشىلەرگە بەلگىلەنگەن زاڭ اياسىندا كومەك قولدارىن سوزىپ, قامقورشى بولۋدىڭ ساۋاپتى امالدارعا جاتاتىنىن جەتە سەزىنگەن اتىراۋ وبلىسىنىڭ سوتتارى ۇجىمدارى رەسپۋبليكالىق «قۋان,ءسابي!» اكتسياسىنا بەلسەنە قاتىسۋدا.
سونداي شارانىڭ ءبىرى قازاقستان سۋديالار وداعى اتىراۋ فيلالىنىڭ تىكەلەي قولداۋىمەن ۇيىمداستىرىلدى. ول وبلىستىق دەنساۋلىق ساقتاۋ دەپارتامەنتىنىڭ «ورتالىق نەرۆ جۇيەسى زاقىمدالعان بالالار ءۇشىن ارناۋلى سابيلەر ۇيىندە» وركەن جايدى.
-ءبىز وبلىس سوتتارىنىڭ سۋديالارى مەن سوت قىزمەتكەرلەرىنە, وبلىستىق سوت باسشىلىعىنا ءدان ريزامىز, -دەپ باستادى ءوز ءسوزىن سابيلەر ءۇيىنىڭ باس دارىگەرى گۇلميرا رىسماعانبەتوۆا. - جارىق دۇنيەنىڭ ەسىگىن اشار-اشپاستان جەتىمدىك پەن جوقشىلىقتىڭ, ءتۇرلى اۋرۋلار مەن تۇرمىس تاۋقىمەتىن تارتىپ, سوڭىنان كەلىپ بىزدەن پانا تاپقان بارشا بۇلدىرشىندەرىمىزدىڭ اتىنان سىزدەرگە شىن جۇرەكتەن ريزاشىلىقتارىمىزدى بىلدىرەمىز. قانداي مەرەكە بولماسىن, بىزدەردى ۇمىتپايسىزدار. ەڭبەكتەرىڭىز جەمىستى, ءاربىر ارايلاپ اتقان اق تاڭ شۋاقتى بولسىن.
وبلىستىق سوتىنىڭ ازاماتتىق جانە اكىمشىلىك ىستەر جونىندەگى اپەللياتسيالىق سوت القاسىنىڭ توراعاسى ءادىلحادى شىعامباەۆ: «جەتىم جانە اتا-انالارىنىڭ قامقورلىعىنسىز قالعان بەيكۇنا سابيلەردى الاقاندارىڭىزعا سالىپ ايالاپ, جۇرەك جىلۋىمەن ولاردىڭ ەرتەڭگى كۇنگە دەگەن ۇمىتتەرىن وشىرمەي وتىرعان سىزدەرگە ايتار العىسىمىز شەكسىز. جەتىم كورسەك جەبەي ءجۇرۋ - ۇرپاقتان- ۇرپاققا جالعاسىپ كەلە جاتقان ۇلتىمىزدىڭ ەڭ جاقسى يماني قاسيەتى. بىزدەردىڭ بۇگىنگى شارامىز ءبىر كۇندىك ەمەس. تۇراقتى تۇردە كەلىپ, قولدان كەلگەن كومەگىمىزدى, جاقسىلىعىمىزدى ايامايتىن بولامىز»,- دەدى.
مۇنان كەيىن قازاقستان سۋديالار وداعى اتىراۋ فيلالىنىڭ توراعاسى بازارعالي قادىرعاليەۆ سابيلەر ءۇيى ۇجىمىنا سوڭعى ۇلگىمەن وندىرىسكە شىعارىلعان ءتۇرلى-ءتۇستى تەلەۆيزور, كىلەمدەر, جەمىس-جيدەكتەر مەن تاتتىلەردى تارتۋ ەتتى.
وسى شاراعا ارنايى شاقىرىلعان, وبلىسىمىزدا جاس ۇرپاقتى يماندىلىققا تاربيەلەۋگە سۇبەلى ۇلەس قوسىپ جۇرگەن ارداقتى انا ءدىلدا قاجى ماتايقىزى سابيلەر ءۇيىنىڭ تاربيەلەنۋشىلەرى مەن تاربيەشىلەرىنە, سوت ۇجىمىنا جۇرەكجاردى العىسىن ايتىپ, اق باتاسىن بەردى.
بورانباي عاليەۆ,
اتىراۋ وبلىستىق سوتىنىڭ ءباسپاسوز حاتشىسى.
سۋرەتتى تۇسىرگەناۆتور.