ەلدىك ىستە ەرىكتىلەر ۇلەسى كوپ

قۇرامىنا جاستار, ۇكىمەتتىك ەمەس ۇيىم, جوعارى جانە تەحنيكالىق-كاسىپتىك ءبىلىم بەرۋ ورىندارى وكىلدەرى مەن قوعام بەلسەندىلەرى, قۇقىق قورعاۋ, توتەنشە جاعدايلار قىزمەتى وكىلدەرى ەنگەن شتاب وتىرىسى ايىنا 1 مارتە وتكىزىلەدى. وب­لىستا قازىر ۆولونتەر قاتارىنداعى جاس­تاردىڭ سانى 10 مىڭنان اسادى. ودان بولەك ۇكىمەتتىك ەمەس ۇيىمدار, قوعامدىق بىرلەستىكتەر وكىلدەرى دە ۆولونتەرلەر باستاماسىنا بارىنشا ۇلەس قوسىپ كەلەدى.

جىلدىڭ العاشقى ەكى ايىندا اتاۋلى جىل اياسىنداعى شارالار بىرنەشە باعىتتا ىسكە استى. مىسالى, «ساۋلىق» باعىتى بويىنشا وبلىستىق جاستار دەنساۋلىعى ورتالىعىندا 48 سەمينار وتكىزىلىپ, وعان قاتىسقانداردىڭ اراسىنان 114 ۆولونتەر 53 ترەنينگ ۇيىمداستىردى. وبلىستىق جاس­تار دەنساۋلىعى ورتالىعىنداعى ەرىكتىلەر بۇگىندە حالىقارالىق Y-Peer  جەلىسىنە قوسىلىپ, بولگاريا مەن بەلارۋس ەلدەرى ماماندارىنىڭ ادام ساۋلىعىن قورعاۋ باعىتىنداعى وقۋلارىنان وتكەن.

سىر ۆولونتەرلەرى جىل باسىنان ءار اپتانىڭ سەنبى كۇنى توتەنشە جاعدايلار دەپارتامەنتى قىزمەتكەرلەرىمەن بىرلەسىپ تۇرعىندارعا تۇرمىستاعى ءورت قاۋىپسىزدىگى تالاپتارىن ءتۇسىندىرۋ جۇمىستارىن جۇر­گىزۋدە. بيىلعى جىلۋ بەرۋ ماۋسىمىندا كوپبالالى وتباسىلار تۇراتىن تۇرعىن ءۇي سەكتورىندا كومىرقىشقىل جانە تابيعي گازدى انىقتايتىن 3 838 قوندىرعى ساتىپ الىندى. قازىر دەپارتامەنت قىزمەتكەرلەرى مەن «ۆولونتەرى كىزىلوردى» قق ەرىكتىلەرى  وسىنداي 73 قوندىرعى ورناتتى.

«قاۋىپسىز قالا» رەيد-اكتسياسى بارىسىندا ۆولونتەرلەر قاتىسۋىمەن قالا, اۋدان كوشەلەرىندە اشىق جاتقان قۇدىقتار تەكسەرىلدى. ەرىكتىلەردىڭ ەسكەرتۋىمەن مەك­تەپتەر اينالاسىنداعى اشىق جاتقان قۇدىقتار قاقپاقتارى جابىلدى. «قامقور» باعىتى بويىنشا ۆولونتەرلەر 22 قارتتىڭ ءۇيىن تازالاپ بەردى, ولاردىڭ قاتارىندا سوعىس جانە تىل ارداگەرلەرى, جالعىز باستى قاريالار بار.

«ساباقتاستىق», «تازا الەم», ء«ۇمىت», ء«بىلىم», «اسىل مۇرا»  مەن «قۇقىقتىق كەڭەس بەرۋ» باعىتتارىندا دا ونداعان شارا وتكىزىلىپ, ۆولونتەرلەر باستاماسى ەل كوڭىلىنەن شىقتى. 

كوروناۆيرۋس ىندەتىنە بايلانىستى ەلىمىزدە ەنگىزىلگەن توتەنشە جاعداي رەجىمىن ساقتاۋدى ناسيحاتتاۋ, ءتارتىپتىڭ باقىلاۋىن قاداعالايتىن پوليتسيا قىز­مەتكەرلەرى مەن دارىگەرلەردى قولداۋ شارالارىنا دا ۆولونتەرلەر قوسقان ۇلەس كوپ. توتەنشە جاعداي جاريالانعاننان كەيىن وبلىس كولەمىندە 136 ونلاين شارا ۇيىمداستىرىلىپ, سىر ۆولونتەرلەرى قىسىلتاياڭ شاقتا تۇر­عىندارعا قول ۇشىن سوزدى.  ولار وبلىس كولەمىندە تۇر­عىندارعا 41736 دانا بەت­پەردە, 10 000-نان استام ۇنپاراق پەن 1000-نان استام ان­تيسەپتيكالىق قۇ­رال تاراتتى. ازىق-ت ۇلىك تاۋارلارىمەن قام­تاماسىز ەتۋگە دە ۇلەس قوسىپ, توسقاۋىل بەكەتتەرىندە جۇمىس جاساپ جاتقان مەديتسينا, پوليتسيا, اسكەري سالا قىزمەتكەرلەرىنە كومەك ۇيىمداستىردى. وسى باعىتتا جا­لاعاش, شيەلى, ارال, سىرداريا اۋدانى ەرىكتىلەرىنىڭ ەڭبەگى ەرەكشە. وبلىس ۆولون­تەرلەرى ارقاسىندا ءساۋىر ايىندا 4466 وتباسىنا ازىق-ت ۇلىك تاراتىلىپ, جومارت جان­­دار 200 مەديتسينالىق تەست الىپ بەردى.

جاڭاقورعان اۋدانى ۆولونتەرلەرى ءۇشىنشى جىل قاتارىنان تۇرمىسى تومەن وتباسىلارىنا ءۇي سالىپ بەرۋدى جالعاستىرىپ كەلەدى.  قينالعانعا قامقور بولعاندار  كومەگىمەن العاشقى جىلى جالعىز باستى انا اقزيلا يسامامەتوۆا باسپانالى بولسا, بىلتىر جاڭا تۇرعىن ءۇي كىلتى ەكىنشى توپ مۇگەدەگى انار بەلاساروۆاعا تابىستالدى. جاقىندا عانا «جاڭارعان جاڭاقورعان جاس­تارى» ۆولونتەرلەرى كوپشىلىك قولداۋىمەن تاعى ءبىر ءۇيدىڭ قۇرىلىسىن باستادى.

ءدال وسىنداي باستاما قازالى اۋدانىندا دا قولعا الىندى. تولاسسىز جاۋعان جاڭبىردان ەسكى باسپاناسى جارامسىز بولىپ قالعان كوپبالالى وتباسىنا اۋدان كاسىپكەرلەرى قارجىلاي كومەك بەرىپ, ەرىكتى جاستار ءۇي سالۋدى باستاپ كەتتى.

جاستار رەسۋرستىق ورتالىقتارى ار­قىلى ۆولونتەرلىك نەگىزدەگى جۇمىستاردى قاشىقتان جۇزەگە اسىرۋدىڭ جوسپارى ءتۇزىلىپ, كوركەمسوز وقۋ ۆيدەو-بايقاۋى, قاشىقتان وقىتاتىن «قولجەتىمدى اعىل­شىن» جوباسى ىسكە قوسىلدى. ەلەكتروندى وقۋ­لىق پلاتفورمالارى ارقىلى «ۇبت-عا دايىندىق شەبەرلىك ساباقتارى», «ما­تەماتيكا ونلاين», «سپورت ونلاين» جۇ­مىستارى باستالىپ كەتتى. سونىمەن قاتار «Bilim» باعىتى بويىنشا ۇزدىك ۇستازدار اراسىنان ەرىكتى تۇردە ونلاين-رەجىمدە ساباق بەرۋگە كەلىسكەن وقىتۋشىلارعا بارلىق مۇمكىندىكتەر قاراستىرىلدى.

قىزىلوردا