قىزىلوردا وبلىسى اكىمدىگىنىڭ باستاماسىمەن وبلىستىق جاستار ساياساتى باسقارماسى جانىنان قۇرىلعان ماقتارال تۇرعىندارىنا كومەك ورتالىعىنا جۇرتتىڭ جاردەمى ۇزدىكسىز كەلىپ ءتۇسىپ جاتىر.
قوعام بەلسەندىلەرى, كاسىپكەرلەر مەن ەرىكتى جاستاردىڭ ۇيىمداستىرۋىمەن 6 جانە 9 مامىر كۇندەرى «سىر جۇرتىنان ماقتارالعا كومەك» ۇرانىمەن تۇركىستان وبلىسىنا گۋمانيتارلىق كومەكتىڭ العاشقى لەگى جەتكىزىلگەن بولاتىن.
ەندى قارماقشى, سىرداريا اۋداندارى مەن بايقوڭىر قالاسى تۇرعىندارىنان جينالعان جيىرما ءتورت توننا ازىق ت ۇلىك, 2 توننا جەم, 2 توننا كيىم-كەشەك تيەلگەن 13 اۆتوكولىك جولعا شىقتى.
جالپى 6 مامىردان باستاپ سىربويىلىقتار تۇركىستان وبلىسىنا 68 توننا گۋمانيتارلىق كومەك جىبەردى.