قىزىلوردا وبلىسىندا كەشەگى وتان سوعىسىنىڭ وتتى جولىنان وتكەن 15 مايدانگەر عانا قالدى. مەرەكە قارساڭىندا زك-69/5 مەكەمەسىنىڭ ماماندارى جاۋدان ەلدى قورعاعان قارت جاۋىنگەردىڭ ءبىرى ءابدىراحمان بايتىكوۆتىڭ شاڭىراعىندا بولىپ, ارداگەرگە سالەم بەرىپ قايتتى.
بەيبىت ءومىردى قورعاعان قارت جاۋىنگەر كۋرسك شايقاسىنداعى ساتتەردەن ەستەلىك ايتتى. ەل تىنىشتىعى ءۇشىن جان قيعان قارۋلاستارى جايلى اڭگىمەلەدى, قازىرگى بەيبىت ءومىردىڭ وڭايلىقپەن ورناماعانىن جەتكىزدى.
قاج قىزمەتكەرلەرى ارداگەرگە زك-69/5 مەكەمەسىنىڭ باستىعى, ادىلەت پودپولكوۆنيگى ت.قالىمبەتوۆتىڭ العىس حاتىن تابىستاپ, سالەمىن جەتكىزدى. قارت مايدانگەر وزىنە كورسەتىلگەن قۇرمەت ءۇشىن العىس ايتتى.